အာနေးစလော့ နဲ့ လီဗာပူးလ်တို့ ပထမဆုံးရာသီကို ပြန် Review လုပ်ကြည့်လိုက်ရင်တော့ အတော်လေး လှပခဲ့တဲ့ ဘောလုံးရာသီတစ်ခုဖြစ်ခဲ့တယ်။ ပရီးမီးယားလိဂ်ဖလားတစ်လုံးပဲရခဲ့တာဆိုပေမယ့် အင်္ဂလန် ရဲ့ အအောင်မြင်ဆုံးအသင်းအဖြစ် ရပ်တည်နိုင်စေမယ့် ဆုဖလားဖြစ်ခဲ့တယ်။
ဂျာဂန်ကလော့ပ်ရဲ့ Gegen pressing မှာ ဘယ်လိုစမ်းစမ်းကြမ်းပြီးသား ကစားသမားတွေနဲ့ပဲ စလော့ရဲ့ ပထမဆုံးရာသီဖြတ်သန်းမှုက ဒီထက်ပိုပြီးတော့ ပေါက်မြောက်ခဲ့သင့်တယ်။ ကာရာဘောင်ဖလား လွဲတာတွေ၊ ချန်ပီယံလိဂ်အစောကြီးကထွက်ရတာတွေတော့ ထောက်ပြစရာရှိတယ်။
သို့ပေမယ့် လောက်လောက်လားလားရှိလောက်တဲ့ လူအင်အားဖြည့်တင်းမှုမရှိပဲနဲ့ ဂတ်ပိုတို့လိုမျိုး ကစားသမားတွေ ခြေပေါ်အောင်လို့ သွေးပေးပြီးတော့ အကြိမ် ၂၀ မြောက် လိဂ်ဖလားကိုယူပြီးတော့ ယူနိုက်တက်နဲ့ပူးတွဲဖြစ်အောင် လုပ်ပေးခဲ့တဲ့ အာနေးစလော့ရဲ့အောင်မြင်မှုကတော့ လုံးဝရှယ်ပဲ။
ကြိုးကြာနီပရိတ်သတ်တွေကလည်း ဒီအချက်တစ်ခုတည်းနဲ့တင် အစကောင်းပြီးအနှောင်းမသေချာ ဖြစ်ခဲ့ရတဲ့ Cup Game ခြေချော်မှုတွေကို အသာလေးမေ့ပေးနိုင်ကြပြီးသား။ ငွေပေါနေတဲ့ လီဗာပူးလ် က ရှယ်မိုက်တဲ့အားဖြည့်မှုတွေနဲ့ နောက်ရာသီမှာပိုပြီးတော့ ကြမ်းပါဦးမယ်။
