Keanu Reeves ရဲ့ ဘဝဟာ မြန်မာကားထဲကလိုဇာတ်နာပါတယ် ။ Keanu Reeves ရဲ့အဖေဟာ Keanu Reeves ကိုငယ်ငယ်ကတည်းကပစ်သွားခဲ့ပါတယ် ။ Keanu Reeves ကျောင်းသားဘဝမှာလဲ Dyslexia လို့ခေါ်တဲ့ စာ အရေး ၊ အပြော ၊ အဖတ် ခက်ခဲတဲ့ရောဂါကိုခံစားခဲ့ရကာ အသက် 17 နှစ်မှာကျောင်းထွက်ခဲ့ပြီး ရရာအလုပ်လုပ်ကာ အနုပညာဘဝကိုစတင်ခဲ့ပါတော့တယ် ။
Keanu Reeves အသက် 23 နှစ်မှာ Keanu Reeves ရဲ့ အချစ်ဆုံးသူငယ်ချင်းဆုံးသွားတယ် ။ နောက် 6 နှစ်အကြာမှာ Keanu Reeves ရဲ့ ကလေးဟာလဲ မွေးပြီးမကြာပဲဆုံးသွားပါတယ် ။ နောက် 2 နှစ်အကြာမှာပဲ Keanu Reeves ရဲ့ အမျိုးသမီးဟာလဲ ကားတိမ်းမှောက်ပြီးဆုံးသွားခဲ့ပြန်ပါတယ် ။
ဒါပေမဲ့ Keanu Reeves ဟာ ဘဝကိုအရှူံးမပေးပဲရှေ့ဆက်လျှောက်နေခဲ့တာအများအမြင်ပါပဲ ။ တစ်ခါက Keanu Reeves ဟာ လမ်းမဘေးမှာကားမှောက်ပြီးကားထဲမှာပိတ်မိနေတဲ့အမျိုးသမီးတစ်ယောက်ကိုကယ်ခဲ့ဖူးပါတယ်။ အဲ့အမျိုးသမီးက The Help ( 2011 ) ရုပ်ရှင်နဲ့အော်စကာဆုရခဲ့တဲ့ Octavia Spencer ပါပဲ ။ ( Horror fan တွေကတော့ Ma ( 2019 ) ရုပ်ရှင်နဲ့သိကြမှာပါ )
Keanu Reeves ဟာ နှစ်စဉ်နှစ်တိုင်း ဒေါ်လာ 1 Million လောက်ကိုကလေးသူငယ်စောင့်ရှောက်ရေး ၊ ကင်ဆာသုတေသနလုပ်ငန်းနဲ့ တစ်ခြားဖောင်ဒေးရှင်းတွေကို အမည်မဖော်ပဲလှူဒါန်းလေ့ရှိပါတယ် ။
တစ်ခါတုန်းကလဲ Los Angeles မြို့ရဲ့လမ်းမပေါ်မှာ အိမ်ခြေယာမဲ့လူတွေနဲ့ထိုင်ပြီးအစားအသောက်တွေမျှဝေကာနာရီနဲ့ချီပြီး ဘဝအကြောင်းတွေထိုင်ဆွေးနွေးခဲ့ဖူးပါတယ် ။
Keanu Reeves ဟာ ဘယ်တော့မှ တစ်ပါးသူနဲ့ အငြင်းအခုန်လုပ်မှာမဟုတ်ပါဘူး ။ ခင်ဗျားက Keanu Reeves ကို 1 နဲ့ 1 ပေါင်း 5 ရတယ်ပြောရင်တောင် ခင်ဗျားမှန်ပါတယ်လို့ပဲပြောပါမယ် ။ ဒါဟာ ခင်ဗျားကို လျစ်လျူရှုတာမဟုတ်ပါဘူး ။ Keanu Reeves ကိုကအငြင်းပွားချင်စိတ်မရှိတာပါ ။
