ဆရာကြီးအောင်သင်းက
ဆရာဝန်လောင်းတွေကိုစာသင်ခန်းထဲမှာမေးတာ
"မင်းတို့လူနဲ့တိရစ္ဆာန်ဘယ်သူကသာသလဲကွ"
သူတို့လဲဘယ်ညံ့မလဲ တဲ့
"ဒါတော့ဆရာရယ် လူကသာတာပေါ့" တဲ့
"နေရာတကာသာသလား"? ဆိုတော့
သူတို့ငိုင်သွားကြတယ်
"ကောင်းပြီ လူကသာတယ်ဆိုရင် မင်းတို့
ဆင်နဲ့ ဘယ်ကောင်လွန်ဆွဲရဲသလဲ
ငါးနဲ့ ဘယ်ကောင်ရေကူးပြိုင်မလဲ
မြင်းတို့သမင်တို့နဲ့ ဘယ်ကောင်အပြေးပြိုင်ဝံ့လဲ"
ဆိုတော့ ငြိမ်နေကြတယ်တဲ့၊
"အေး လူမှာ တိရစ္ဆာန်ထက်သာတဲ့အချက်
(၃)မျိုးရှိတယ်
၁။ အလှအပကိုဖန်တည်းတတ်ခြင်း ခံစားတတ်
ခြင်း
၂။ ကိုယ်ကျင့်တရားရှိခြင်း
၃။ ကြောင်းကျိုးဥာဏ်ပညာကြီးခြင်း
(၃) ကနေပြန်ပြောမယ်
ကြောင်းကျိုးဥာဏ်ပညာဆိုရာမှာ
ဘယ်တိရစ္ဆာန်မှာမှမရှိဘူး လူမှာဘဲရှိတယ်၊
(၂) ကိုယ်ကျင့်တရားမှာလဲ လူမှာဘဲရှိတယ်
ကျားတစ်ကောင်က သမင်မကြီးကို
"ငါဒီသမင်မကြီးကိုသတ်စားလိုက်ရင်
သူ့သားသမီးလေးတွေ မိတဆိုးဖြစ်ရှာမှာပဲ လို့
ဘယ်တော့မှမတွေးဘူးကွ"
အလှအပကိုဖန်တည်းတတ်တာလဲ လူဘဲ
အလှအပကိုခံစားတတ်တာလဲ လူဘဲ
ရယ်တတ်တာလဲ လူဘဲ
ရယ်စရာကောင်းတာလဲ လူဘဲ
ဘယ်တိရစ္ဆာန်မှ မရယ်တတ်ဘူး
တီကောင်တို့ ပက်ကျိတို့ မရယ်တတ်ဘူး
ခွေး အမြီးနှံ့ချင်နှံ့မယ် မရယ်တတ်ဘူး
လူမှာ အဲ့သလိုကြောင်းကျိုးဥာဏ်ပညာရှိလို့
အားကြီးပါတယ်ဆိုတဲ့ဆင်ကို
ထူးခတ်ပြီးတော့ ပေါက်ချွန်းနဲ့ပေါက်ပြီး သစ်ဆွဲ
ခိုင်းတယ်
ရေကူးတော်တဲ့ငါးကို မျှားပြီးတော့ ဖမ်းပြီးစား
တယ်
သမင်ကို ဖမ်းပြီးစားတယ်
မြင်းကို ကြိုးတပ်ပြီးတော့ တက်စီးတယ်
ပြောချင်တာက
လူမှန်ရင် ကြောင်းကျိုးဥာဏ်ပညာရှိရတယ်။
လွန်ခဲ့သော နှစ် ၂၀ ခန့်မှ
ဆရာအောင်သင်းရဲ့
ယနေ့လူငယ်နှင့်ယနေ့ရသစာပေအခွေမှ
