ပြင်းထန်တဲ့ နေမီးလျှံတွေကြောင့် ဖြစ်ပေါ်လာတဲ့ သံလိုက်မုန်တိုင်းတွေဟာ ကမ္ဘာ့သံလိုက်စက်ကွင်းနဲ့ ဓာတ်ပြုပြီး မြေပြင်ပေါ်က ဓာတ်အားပေးစနစ်တွေမှာ ကြီးမားတဲ့ လျှပ်စီးကြောင်း (induced currents) တွေ ဖြစ်ပေါ်စေနိုင်ပါတယ်။
ဒါကြောင့် ဓာတ်အားလိုင်းတွေ ပြတ်တောက်တာ၊ Transformer တွေ ပျက်စီးတာတွေ ဖြစ်နိုင်ပါတယ်။ (ဥပမာ- ၁၉၈၉ ခုနှစ် ကနေဒါနိုင်ငံ Quebec မှာ ဖြစ်ခဲ့တဲ့ ဓာတ်အားပြတ်တောက်မှုလိုမျိုးဖြစ်စဉ်တွေပါ။)
GPS (Global Positioning System) လို လမ်းညွှန်စနစ်တွေဟာ ဂြိုဟ်တုကနေ ပို့လွှတ်တဲ့ အချက်အလက်တွေပေါ် မူတည်ပါတယ်။ Solar Flare တွေက လေထုကို ထိခိုက်တဲ့အခါ ဒီအချက်အလက်တွေ နှောင့်နှေးတာ၊ တိကျမှု လျော့ကျတာတွေ ဖြစ်နိုင်ပါတယ်။
နောက်ပြီး အာကာသထဲမှာ လှည့်ပတ်နေတဲ့ ဂြိုဟ်တုတွေနဲ့ နိုင်ငံတကာအာကာသစခန်းက အာကာသယာဉ်မှူးတွေအတွက် Solar Flare တွေက ဓါတ်ရောင်ခြည်ဘေးအန္တရာယ် (Radiation Hazard) ကို ဖြစ်စေနိုင်ပါတယ်။
ဒါကြောင့် အာကာသယာဉ်တွေကို ကာကွယ်မှုတွေ ပြုလုပ်ရသလို၊ အာကာသယာဉ်မှူးတွေအတွက်လည်း လုံခြုံရေး အစီအမံတွေ ထားရှိရပါတယ်။
