Incan-tation (2022)
2022 ခုနှစ်အတွင်း ထိုင်ဝမ်ရဲ့ ရုံဝင်ငွေအကောင်းဆုံးရုပ်ရှင်ကားဖြစ်ပြီး ထိုင်ဝမ်သမိုင်းတလျှောက် ရုံဝင်ငွေအကောင်းဆုံး Horror ကားတစ်ကားအဖြစ် မှတ်တမ်းတင်ထားပါတယ်။ ကောင်းမွန်တဲ့ သုံးသပ်ချက်တွေ ရရှိထားတဲ့ ထိတ်လန့်သည်းဖို Horror ကားတစ်ကားလည်းဖြစ်ပါတယ်။ လီရိုနန် ဟာ မိဘမဲ့ဂေဟာကိုပေးခဲ့တဲ့ ငါးနှစ်အရွယ် သူ့သမီးလေး ဒိုဒို ကို အုပ်ထိန်းခွင့်ပြန်လည်ရရှိဖိုအတွက် စောင့်ကြည့်ကာလအတွင်းမှာ သူ့အိမ်ကို ခေါ်ထားခွင့်ရလိုက်ပါတယ်။ အချိန်အတော်ကြာ ခွဲခွာခဲ့ရတာဖြစ်တဲ့အပြင် အတိတ်က ဖြစ်ရပ်တွေရဲ့ ခြောက်လှန့်မှုဒဏ်တွေကို ခက်ခက်ခဲခဲ ကျော်ဖြတ်ခဲ့ရတဲ့ တစ်ကိုယ်တော် မိခင်တစ်ယောက်အဖြစ် ရိုနန် ဟာ အုပ်ထိန်းခွင့်ပြန်ရဖိုကို စိုးရိမ်နေရပါတယ်။ စောင့်ကြည့်ကာလ ဖြစ်တာကြောင့် ပိုပြီးအဆင်ပြေအောင်နေပြရမှာဖြစ်ပေမဲ့ ဒိုဒို မှာ ထိတ်လန့်စရာဖြစ်ရပ်တွေ ကြုံနေရပါတယ်။ သူ့သမီးကြုံနေရတဲ့ ဖြစ်ရပ်တွေဟာ လွန်ခဲ့တဲ့ခြောက်နှစ်က တားမြစ်ထားတဲ့အရာတစ်ခုကို သူလုပ်ခဲ့မိတဲ့ အကျိုးဆက်အဖြစ် ဖြစ်ပေါ်လာတဲ့ ကျိန်စာတွေဖြစ်ပါတယ်။ အဲ့အရာကို သိရှိသူတိုင်းဟာ ကြမ္မာဆိုးနဲ့ အဆုံးသတ်ရစမြဲဖြစ်တာကြောင့် ကျိန်စာဆိုးကနေ သမီးဖြစ်သူကို ကယ်တင်ဖို ရိုနန် တစ်ယောက် ကြိုးစားရင်း ဇာတ်လမ်းကောင်းကောင်းနဲ့ သေသပ်တဲ့ သရုပ်ဆောင်ချက်တွေကို ကောင်းမွန်တဲ့ဖန်တီးမှုနဲ့အတူ ဇာတ်လမ်းကို ဆွဲခေါ်သွားတာဖြစ်လို သာမာန်သရဲကားတွေထက် သေချာပေါက်ပိုမဲ့တဲ့ Horror ကားကောင်းတစ်ကားဖြစ်ပါတယ်။
