redator: Badlands ရဲ့ ဇာတ်လမ်းက ဘာဇာတ်လမ်းဖြစ်မလဲ !
Predator: Badlands ရုပ်ရှင်ကတော့ Predator ရုပ်ရှင်ဇာတ်လမ်းတွဲတွေရဲ့ ၈ ကားမြောက် ရုပ်ရှင်ဖြစ်ပါတယ်။ နောက်ပြီး ဒီဇာတ်ကားက ဒါရိုက်တာ Dan Trachtenberg ရိုက်တဲ့ တတိယမြောက် Predator ရုပ်ရှင်ဖြစ်ပြီး သူက ၂၀၂၂ မှာ Prey ကို ရိုက်ခဲ့သလို၊ မကြာခင်ထွက်မယ့် Killer of Killers ဆိုတဲ့ Animated ရုပ်ရှင်ကိုလည်း ရိုက်ထားပါတယ်။ ဒီ Badlands မှာ အဓိကဇာတ်ကောင်တွေအနေနဲ့ Elle Fanning သရုပ်ဆောင်တဲ့ Thia နဲ့ Dimitrius Schuster-Koloamatangi ကတော့ Predator နေရာက သရုပ်ဆောင်ထားပါတယ်။
ဒီဇာတ်လမ်းမှာ သူတို့နှစ်ယောက်က မထင်မှတ်ဘဲပေါင်းမိပြီး သူတို့ထက် အားကြီးတဲ့ ရန်သူကို ရင်ဆိုင်ရမယ့် စွန့်စားခန်းတစ်ခုအကြောင်းကိုရိုက်ပြမှာဖြစ်ပါတယ်။
Trailer ထဲမှာတော့ Elle Fanning ရဲ့ ဇာတ်ကောင် Thia က Weyland-Yutani ရဲ့ (Android) စက်ရုပ်လူသားပုံစံပြသွားပါတယ်။ ဒါကို Trailer ထဲမှာ သူ့မျက်လုံးတွေအဖြူပုံစံပြောင်းတော့ စက်ရုပ်လိုမျိုး ဖြစ်သွားတာမျိုးလို့ ယူဆလို့ရပါတယ်။ ဒါက Predator နဲ့ Alien ရုပ်ရှင်တွဲတွေရဲ့ ဆက်နွယ်မှုလို့ ထင်မိပါတယ်။ ဒီဆက်နွယ်မှုက ၂၀၀၄ မှာ Alien vs. Predator နဲ့ ၂၀၀၇ မှာ Aliens vs. Predator: Requiem ကားတွေနဲ့ စတင်ခဲ့တာပါ။ ဒါပေမယ့် ဒီရုပ်ရှင်မှာ Alien နဲ့ Predator တို့ ဘယ်လို ဆက်နွယ်မှုရှိမရှိဆိုတာကိုတော့ စောင့်ကြည့်ရမှာပါပဲ။
နောက်ပြီး ဇာတ်လမ်းရဲ့ အဓိက နေရာက ဘယ်မှာလဲဆိုတာကိုတော့ အတိအကျ မသိရသေးပါဘူး။ Predator တွေရဲ့ မွေးရပ်ဂြိုဟ်မှာ ဖြစ်နိုင်တယ်လို့ ထင်ရပါတယ်။ ဒီဂြိုဟ်ကို အရင် Predator ရုပ်ရှင်တွေမှာလည်း အသေးစိတ် သိပ်မပြဖူးပါဘူး။
[
အခုအချိန်အထိတော့ Predator: Badlands အကြောင်းအသေးစိတ်မသိရသေးပါဘူး။ ဒါပေမယ့် နောက်ထပ် Trailer ထွက်လာမယ်ဆိုရင်တော့ ပိုစိတ်ဝင်စားဖို့ကောင်းလာဦးမှာ အသေအချာပါပဲ။ နောက်ပြီး Predator နဲ့ နောက်ထက် Universe အကြီးကြီးလုပ်လာနိုင်မယ့် ပုံစံတွေလည်း ပြသွားခဲ့ပါတယ်။
ဇာတ်လမ်းထဲမှာ လူနည်းနည်းပဲပါပေမယ့် ကြီးမားတဲ့ပုံစံတွေချပြသွားမယ်လို့တော့မျှော်လင့်မိပါတယ်။