ကံကောင်းမယ့်အချိန်ဘဲစောင့်မနေနဲ့
သူဌေးဖြစ်ဖို့ ကံပါလာတဲ့သူက
မွေးကတည်းက သူဌေးအိမ်မှာ လူဖြစ်လာတယ် ။
အခြားသော သူတွေကတော့
လက်တွေဘဝမှာ ချမ်းသာဖို့ဆိုရင်
ကံကိုချည်း အားကိုးနေလို့ မရပါဘူး ။
လုံ့လ၊ ဝီရီယနဲ့ ဉာဏ်ကိုလည်း အားကိုးကြရမယ် ။
လူတော်တော်များဟာ ကံရှိစားရမယ်ပေါ့
ကံရှိရင် ရမယ်ပေါ့ဆိုပြီး ကံကိုပဲ ပုံချနေကြတယ် ။
ဒါဟာ လူပျင်းတွေရဲ့ဆင်ခြေတွေပဲလို့ ဆိုရမယ်
မြန်မာစကားပုံမှာ ကျားရဲလာ ကြမ္မာမရိုးသာဆိုပြီး
ရှိတယ် ။
ဒါဟာ ဘာပြောတာလဲဆိုရင်
တောထဲ ထင်းခုတ်သွားတဲ့ လူတစ်ယောက်ဟာ
ကျားရဲနဲ့တွေတဲ့အခါ ကံကိုယုံပြီး
ကံကိုရိုးမယ်ဖွဲ့ပြီးတော့ မပြေးပဲနေလိုက်တာ
ကျားစားခံလိုက်ရတဲ့ အဖြစ်ကို ရောက်သွားတယ် ။
ဒါကြောင့် အရာရာ ကံကိုချည်း အစွန်းရောက်အောင်
အားကိုးနေလို့ မရဘူးဆိုတာကို နားလည်ထားရမယ် ။
ဘာဖြစ်ဖြစ် အတိတ်ကံကြောင့်ပဲလို့ ယူထားမယ်ဆိုရင်
ပုဗ္ဗေကတဟေတုဒိဋ္ဌိ ဖြစ်သွားမယ်...။
ဒါကြောင့် ဘဝမှာ ကြီးပွားတိုးတက်ချင်ရင်
ကံကိုချည်း အကြွင်းမဲ့ပုံ ယုံထားလို့ မရပါဘူး....။
ကြိုးစားအားထုတ်မှု ဝီရိယနှင့်အသိဉာဏ်ကိုလည်း
ကောင်းစွာအသုံးချတတ်ဖို့လည်း လိုတယ်လို့ နားလည်ထားရမယ် ။
ပါမောက္ခချုပ်ဆရာတော်ဘုရားကြီး
ဒေါက်တာအရှင်နန္ဒမာလာဘိဝံသ