Avengers: Doomsday ရုပ်ရှင်မှာ ပါချင်ပါမယ် လို့ပြောလာတဲ့ Chris Pratt
မေလ ၂၆၊ ၂၀၂၅။
Avengers: Doomsday ရုပ်ရှင်အတွက် သရုပ်ဆောင်များ ကြေညာခဲ့တဲ့ livestream မှာ သူ့နာမည်ပါဝင်ခြင်းမရှိခဲ့တဲ့အပေါ် မင်းသား Chris Pratt တစ်ယောက် Collider ရဲ့ မေးမြန်းမှုကို ဟာသနှောပြီး တုံ့ပြန်ခဲ့ကြောင်း သိရပါတယ်။ အဆိုပါ live stream မှာ ရုပ်ရှင်ပါဝင်မယ့် သရုပ်ဆောင်နှစ်ဒါဇင်လောက်ရဲ့ နာမည်တွေကို ထုတ်ဖော်ပြသခဲ့တာဖြစ်ပါတယ်။
Chris Pratt ရဲ့ နာမည်ကတော့ ထိုကြေညာမှုမှာ ထူးထူးခြားခြား ပျောက်ဆုံးနေခဲ့တာပါ။ ဒီကိစ္စနဲ့ပတ်သက်ပြီး သူ့ရဲ့ထိုင်ခုံဘယ်မှာလဲလို့ Collider က မေးမြန်းရာမှာ Pratt က "ကျွန်တော်မသိဘူးဗျာ။ ကျွန်တော်ထင်တာတော့ အဝေးကြီးမှာဖြစ်မယ် -- သူတို့ ရိုက်ကူးရေးလုပ်တဲ့အခါ ချန်ထားခဲ့တာမျိုးနေမှာပေါ့။ ဘာဖြစ်သွားလဲတော့မသိဘူး။ အဲ့ဒီမှာတော့ရှိခဲ့မှာပါ။ ကျွန်တော်သေချာတယ်၊ အဲ့ဒီမှာရှိမှာပါ" လို့ နောက်ပြောင်ဖြေကြားခဲ့ပါတယ်။
တကယ်တော့ Chris Pratt ဟာ နောက်ပြောင်နေခြင်းသာဖြစ်ပြီး Avengers: Doomsday မှာ သူပါဝင်ကြောင်း အတည်ပြုနေခြင်းတော့ မဟုတ်ပါဘူး။ သူ့ရဲ့ထိုင်ခုံမရှိခဲ့ဘူးဆိုရင် သူက ရုပ်ရှင်မှာ တကယ်မပါဝင်တာဖြစ်နိုင်သလို၊ Marvel ဘက်က သူပါဝင်တာကို လျှို့ဝှက်ထားချင်တာလည်း ဖြစ်နိုင်ပါတယ်။
Star-Lord ဇာတ်ကောင် ပြန်လည်ပါဝင်လာမယ်ဆိုတာကို Guardians of the Galaxy Vol. 3 ရုပ်ရှင်ရဲ့ post-credits scene မှာ ကတိပေးထားခဲ့တာကြောင့် Pratt ရဲ့နာမည်မပါဝင်ခဲ့တာက အနည်းငယ်အံ့အားသင့်စရာဖြစ်ခဲ့ပါတယ်။ ဒီကတိအတိုင်း Star-Lord ပြန်လာမှာဖြစ်ကြောင်း Pratt က အတည်ပြုပြောကြားခဲ့ပေမယ့် ဘယ်အချိန်၊ ဘယ်နေရာမှာ ပြန်တွေ့ရမလဲဆိုတာကိုတော့ ပြောကြားခဲ့ခြင်းမရှိသေးပါဘူး။ သူက "Star-Lord ကို ဘယ်မှာပြန်တွေ့ရမလဲဆိုတာကိုတော့ ပရိသတ်တွေကို ကျွန်တော်ပြောလို့မရသေးပါဘူး၊ ဒါပေမဲ့ Star-Lord ကတော့ -- Vol. 3 အဆုံးမှာ ကျွန်တော်တို့ ကတိပေးခဲ့တဲ့အတိုင်း The Legendary Star-Lord ပြန်လာမှာပါ၊ သူတကယ်ပြန်လာမှာပါ" လို့ ပြောဆိုခဲ့ပါတယ်။
Star-Lord ရဲ့ ပြန်လာမယ့်အစီအစဉ်က ဘာဖြစ်မယ်ဆိုတာ မသေချာသေးပေမယ့်၊ သူဟာ Doomsday မှာဖြစ်စေ၊ နောက်ဆက်တွဲရုပ်ရှင် Avengers: Secret Wars မှာဖြစ်စေ၊ ဒါမှမဟုတ် အားလုံးပြီးဆုံးသွားတဲ့အချိန်ကျမှဖြစ်စေ တစ်ချိန်ချိန်မှာတော့ ပြန်လည်ပေါ်ထွက်လာဖို့ရှိတယ်လို့ ယူဆရပါတယ်။