ဒီအတိုင်းဆို $999 တန် iPhone က $1,250 ဖြစ်ဖို့ နီးလာပြီ 🫥
.
US သမ္ပတ - Donald Trump ကနေ Apple CEO - Tim Cook ကို ဦးတည်ပြီး US နိုင်ငံအတွင်းမှာ ရောင်းချမယ့် iPhone တွေကို US မှာ ပြောင်းရွေ့မထုတ်လုပ်ဘူးဆိုရင် အခွန် (၂၅) ရာခိုင်နှုန်း အနည်းဆုံးပေးရမယ်ဆိုပြီး ခြိမ်းခြောက်နေပြီဖြစ်ပါတယ်။
ဒီနေရာမှာ Donald Trump ဘက်က ထည့်ပြောထားတာက တရုတ်မှာ မထုတ်ရင်တောင် တခြား India လိုမျိုး နိုင်ငံမှာ ပြောင်းရွေ့ထုတ်လုပ်လည်း အကျုံးမဝင်ဘူးလို့ ဆိုထားတာဖြစ်ပါတယ်။ ဒါကြောင့် US နိုင်ငံအတွင်းမှာ Apple iPhone တွေကို ပြောင်းရွေ့မထုတ်လုပ်မချင်း Apple ဘက်ကနေ အခွန်ပိုမိုပေးဆောင်ရဖွယ်ရှိနေပါတယ်။
လောလောဆယ်မှာ Apple ဘက်က iPhone တွေကို တရုတ်နိုင်ငံပြင်ပမှာ ပြောင်းရွေ့ထုတ်လုပ်ဖို့ ဆောင်ရွက်နေပြီး လက်ရှိ iPhone 16 ဆိုရင်လည်း Brazil မှာ ပြောင်းလဲထုတ်လုပ်နေသလို iPhone 16 Pro ဖုန်းတွေကလည်း India နိုင်ငံမှာ ပထမဆုံးအနေနဲ့ Pro Series ဖုန်းတွေကို ထုတ်လုပ်နေပြီဖြစ်ပါတယ်။ ဒါပေမယ့် US နိုင်ငံအတွင်းမှာ iPhone တွေကို ထုတ်လုပ်နေခြင်းမရှိသေးပါဘူး။
အခုလိုမျိုး Donald Trump ဘက်က ကြေညာလိုက်တာက Apple ကို နာမည်တပ်ထားပေမယ့် တခြားသော Samsung နဲ့ စမတ်ဖုန်းကုမ္ပဏီတွေအတွက်လည်း အကျုံးဝင်တယ်လို့ သိရပြီး လာမယ့် ဇွန်လကုန်မှာ အခွန်ကို ပိုပြီး စတင်ပေးဆောင်ရဖွယ်ရှိနေပါတယ်။
Apple iPhone တွေကို ထုတ်လုပ်နေတဲ့ Foxconn ဟာ လက်ရှိအချိန်မှာ India မှာ ဒေါ်လာ ၁.၅ ဘီလီယံအကုန်အကျခံပြီး iPhone Display တွေ တပ်ဆင်ဖို့ စက်ရုံတွေကို တည်ဆောက်နေသလို Apple ဘက်ကလည်း လက်ရှိအချိန်မှာ India ကနေ US ကို တင်ပို့တဲ့ အခွန်က ၁၀ ရာခိုင်နှုန်းပဲရှိပြီး တရုတ်နဲ့ယှဥ်ရင် ၃ ဆ သက်သာနေတဲ့အတွက် India မှာပဲ အဓိကထုတ်လုပ်ဖို့ စီစဥ်နေတာဖြစ်ပါတယ်။ ဒါပေမယ့် Trump ဘက်ကနေ အခုလို ကြေညာလိုက်တာကြောင့် ပိုပြီး အခက်တွေ့သွားနိုင်ပါတယ်။
Apple ဘက်ကနေ လာမယ့် ၄ နှစ်အတွင်းမှာ US နိုင်ငံအတွင်းမှာ ဒေါ်လာ ၅၀၀ ဘီလီယံကျော် ရင်းနှီးမြုပ်နှံသွားမယ်ဆိုပြီး ကြေညာထားပေမယ့် US မှာ iPhone မထုတ်နိုင်သရွေ့ အခွန်ပိုပေးရမယ်ဆိုရင် iPhone တွေ စျေးတက်ဖို့ကတော့ သေချာသလောက်ဖြစ်နေပြီ။​​