🙏#နှုတ်စီးလိုလျှင်?
ဗန်းမော်ဆရာတော်ဘုရားကြီးက
မိန့်တော်မူခဲ့ပါတယ်။
နှုတ်စီးလိုရင်
တရားစာ များများရွတ်
ပဋ္ဌာန်းကျမ်းတွေ ရွတ်
မေတ္တာတွေ ပို့ပါတဲ့။
ဘုန်းဘုန်းကြီး ဂျပန်ရောက်ခိုက်
အမျိုးသမီးတစ်ဦး
အခက်အခဲ အကျပ်အတည်း
ဖြစ်နေချိန်
ဘုန်းဘုန်းကြီးက
အဆင်ပြေစေသတည်း လို့
မိန့်တော်မူလိုက်တာ
နောက်ရက်ကနေ စပြီး
အလုပ်အကိုင်တွေ
အဆင်ပြေသွားပါတယ်တဲ့။
နောက်တစ်ဦးကလည်း
အဆင်မပြေဘူးတဲ့။
ဒါကို ဘုန်းဘုန်းကြီးသိပြန်တော့
အဲဒီလို ထပ်မိန့်လိုက်တယ်။
သူလည်း အလုပ်အကိုင်တွေ
အဆင်ပြေသွားပါတယ်တဲ့။
တကယ်တော့...
ဘုန်းဘုန်းက
နှစ်ပေါင်းများစွာ ပရိတ်တွေရွတ်
ပဋ္ဌာန်းတွေ ရွတ်နေတော့
ဘုန်းဘုန်း နှုတ်က
သိဒ္ဓိပြီးနေတာ
နှုတ်စီးနေတာလို့ မိန့်ပါတယ်။
ဘုရားရှင် လက်ထက်ကလည်း
ရှိခဲ့တယ်နော်...
ရှင်သီဝလိဆို လူတိုင်းသိကြမှာပါ။
ရှင်သီဝလိရဲ့မယ်တော်
သု ပ္ပ ဝါသာ မယ်တော်ဟာ
ခုနှစ်နှစ်ကိုယ်ဝန်ဆောင်ရတာ
ဝဋ်ကျွေးကြောင့်ပါ။
သုပ္ပဝါသာဟာ မြတ်စွာဘုရားရှင်ကို
သူသည်းခံနေပါကြောင်း လျှောက်တဲ့အခါ
ဘုရားရှင်က...
သုပ္ပဝါသာ ရောဂါ မရှိမူ၍
ချမ်းသာစေသတည်း...
ရောဂါကင်းသော သားကို
ဖွားမြင်စေသတည်းလို့
နှုတ်မြွတ်တော်မူတဲ့ တစ်ခဏအတွင်းမှာပဲ
သက်တောင့်သက်သာနဲ့
ဖွားမြင်ခြင်းကိစ္စ ပြီးပါတယ်။
ဒီတော့ နှုတ်စီးချင်တယ်ဆို
ဘာလုပ်ရမလဲ သိလောက်ရောပေါ့နော်...
ဗန်းမော်ဆရာတော်ဘုရားကြီး🙏🙏🙏
