လူဖြစ်ရကျိုးနပ်ပါစေ
🙏🙏🙏🙏🙏🙏
ကဲ.. ဘုန်းကြီးတို့တစ်တွေကတော့
ကံကောင်းလို့ လူ့ဘဝ ရလာကြပြီ။
လူ့ဘဝရောက်ဖို့ ဆိုတာ ....
အလွန်အင်မတန်မှ ခဲယဉ်းတယ်။
မြန်မာမှာလည်း ပြောကြတယ်။
ဗြဟ္မာပြည်က အပ်တစ်စင်း၊
လူ့ပြည်က အပ်တစ်စင်း ချလိုက်ရင်
အဲဒီအပ်ဖျားချင်း ထိကောင်းထိလိမ့်မယ်။
လူ့ဘဝရောက်ဖို့ အင်မတန်မှ ခဲယဉ်းတယ်လို့။
ခဲယဉ်းတယ်ဆိုတာ ဖြစ်ကို
မဖြစ်နိုင်ဘူးလို့ ဆိုလိုတာနော်။
မြတ်စွာဘုရားက လူ့ဘဝ ဘယ်လောက်ရဖို့
ခက်ခဲတယ်ဆိုတာကို လိပ်ကန်းကြီးတစ်ကောင်နဲ့
ဥပမာပေးထားတယ်။
လိပ်ကန်းကြီးတစ်ကောင်က
ပင်လယ်ထဲမှာ ကျက်စားတယ်။
အနှစ်တစ်ရာကြာမှ ပင်လယ်ရေမျက်နှာပြင်ပေါ်
ခေါင်းလေးပြူကြည့်ပြီး အသက်ရှူတယ်။
အနှစ်တစ်ရာလုံးလုံး ပင်လယ်ရေ
မျက်နှာပေါ်မှာ တက်မလာဘူးတဲ့။
ပင်လယ်ရေနက်ပိုင်းထဲမှာပဲ
လှည့်လည် ကျက်စားပြီး နေတယ်။
အဲဒီလိပ်ကြီးက မျက်စေ့နှစ်ကွင်း
အလင်းမရလို့ လိပ်ကန်းတဲ့။ ဟုတ်ကဲ့လား။
အဲဒီပင်လယ်ပြင်ထဲမှာ
ထမ်းပိုးတုံးကြီး တစ်ခုက
အပေါက်ကလေး တစ်ခုပဲပါတယ်။
ပင်လယ်ဆိုတာက
အမြဲတမ်း လှုပ်ရှားနေတာ၊
ငြိမ်နေတာ မဟုတ်ဘူး။
အဲဒီ ထမ်းပိုးတုံးကြီး ပင်လယ်ထဲမှာ
မျောချင်ရာ မျောနေတယ်။
လိပ်ကန်းကြီးကလဲ သွားချင်ရာသွား၊
အနှစ်တစ်ရာ ကြာတဲ့အခါ
ပင်လယ်ရေမျက်နှာပေါ်တက်ပြီး
ခေါင်းကလေးပြူလိုက်တယ်။
အဲဒီပြူလိုက်တဲ့ ခေါင်းလေးနဲ့ ခုနက
မျောချင်ရာမျောနေတဲ့ ထမ်းပိုးတုံးကြီးရဲ့
အပေါက်နဲ့ သွားစွပ်မိတယ်ဆိုတာ
ဖြစ်ကောင်း ဖြစ်နိုင်သေးတယ်တဲ့။
အပါယ်လေးဘုံ ရောက်သွားတဲ့
သတ္တဝါတစ်ယောက် လူဖြစ်ဖို့ ဆိုတာ
ပိုပြီး ခဲယဉ်းတယ် တဲ့။
ဒါကြောင့် ...
ကိုယ့်ဘဝလေး ကိုယ်
တန်ဖိုးထားတတ်ဖို့ လိုတယ်။
အကယ်၍ ကာမဂုဏ် အာရုံတွေပေါ်မှာ
လောဘတွေနဲ့ အချိန်ကုန်မယ်။
ဒေါသတွေနဲ့ အချိန်ကုန်မယ်။
လုပ်သင့် မလုပ်သင့်ဆိုတာတွေ မသိတဲ့
မောဟနဲ့ အချိန်ကုန်နေမယ်ဆိုရင် ...
တိရစ္ဆာန်ဘဝနဲ့ ဘာမှသိပ်ပြီး ကွာခြားမှာ
မဟုတ်တော့ဘူးနော်။
ဒါကြောင့်မို့ ...
လူ့ဘဝ ရလာတဲ့အခါမှာ
လူဖြစ်ကျိုးနပ်ပါစေတဲ့။
လူဖြစ်ကျိုးနပ်ဖို့
အင်မတန်မှ အရေးကြီးတယ်တဲ့။
သေရမယ့် ခန္ဓာကို ရင်းပြီးတော့ …
မသေမယ့်တရားကို ရှာနိုင်မှသာလျှင်
သူတော်ကောင်းအစစ်တွေ
ဖြစ်လာနိုင်တယ်။
တရားအသ်ိရှိမှ အသိတရားရှိမယ်။
အသိတရား ရှိတော့ ...
တရားနဲ့ လျော်အောင်
နေတတ်, ထိုင်တတ်
ပြုမူ, ပြောဆိုတတ်တယ်။
တရားနဲ့ လျော်အောင်
နေတတ်, ထိုင်တတ်
ပြုမူ ပြောဆိုတတ်တော့
အပြစ်ကင်းတယ်။
အပြစ်ကင်းတော့ ချမ်းသာတယ်။
တရားကိန်းနေသူဟာ
သာသနာနဲ့ တွေ့နေသူပဲ။
တရားကျင့်ကြံအားထုတ်နေသူဟာ
သာသနာတွင်းသားပဲ။
အေး .. ဒါကြောင့်မို့ လူဖြစ်ရကျိုးနပ်ဖို့
ကိုယ့်ဘဝအရေး စဉ်းစားရမယ်။
ဒီအတိုင်း အမှတ်တမဲ့ မနေရဘူး။
လူဖြစ်ကျိုးနပ်အောင် နေရမယ်။
လူဖြစ်ကျိုးနပ်တယ် ဆိုတာ
ကုသိုလ်မျာများ လုပ်သွားနိုင်သူတွေကို
ဆိုလိုတယ်။
#ပါမောက္ခချုပ်ဆရာတော်ဘုရားကြီး
ဒေါက်တာ အရှင်နန္ဒမာလာဘိဝံသ
🙏🙏🙏🙏🙏🙏🙏🙏🙏🙏
#မူရင်းရေးသားပူဇော်သူကိုလည်းဂါရဝပြုပါသည်။?
