❝ မြသန်းတင့် - မင်းပုန်းတောင်သိုင်းသမား ❞
ကောင်းကင်နတ်ဆိုး သုံးဆယ့်ခြောက်မင်းနဲ့
မြေပြင်မိစ္ဆာ ခုနစ်ဆယ့်နှစ်ကောင်တို့ဟာ
လူဝင်စားဖြစ်ကာ-
သူတို့သည် အမှန်တရားတွင်
ရပ်တည်သော သူရဲကောင်း
၁၀၈ ယောက် ဖြစ်လာခဲ့ပြီး၊
လူများသည့်တိုင် တစိတ်တဝမ်းတည်းရှိသော
ထိုသူရဲကောင်းများသည် လျှံရှန်းတောင်ရိုးမှာ တပ်ထောင်တာဗိုလ်ထုဖြင့် အခိုင်အမာပြု၍
မတရားမှုကို ခုခံကြရန် အလို့ငှာ-
ညီညွတ်ရေးဇရပ်တွင်
စုဝေး၍ သစ္စာခန်းဆောင်တွင် တိုင်ပင်ကြကုန်၏။
ထို့နောက် ကိုင်းတောထဲတွင်
စစ်အင်ကို ခင်းကျင်းကာ၊
မတရား ဖိနှိပ် သွေးစုပ်သူတို့ကို
ကြောက်ဒူး တုန်လှုပ်စေ ချောက်ချားစေ၍
အဖိနှိပ်ခံရသော သူတို့အတွက်
မျှော်လင့်ချက်နှင့် လွတ်လပ်ရေးမီးရှုးတန်ဆောင်ကို
ထွန်းပလင်းတောက်စေကုန်၏။
ဤသို့ဖြင့် ရာဇဝင်စာမျက်နှာများတွင်
သူတို့၏အမည်နာမများကို ဂုဏ်ရောင်ပြောင်စွာ
ရေးထိုးနိုင်ခဲ့ကြပေ၏။
ဝတ္ထုကြီးအစနဲ့အဆုံး
အခန်းစဉ်ပေါင်း ၁၀၀ တိတိရှိသည့်
ထို ဂန္ထဝင်ဝတ္ထုကြီးကို
ဆရာမြသန်းတင့်က ၄၅ ခန်းထိ
ဘာသာပြန်ထားခဲ့ပါတယ်။
အဲဒီ ဘာသာပြန်ပြီးသမျှ အခန်းတွေကို
၂၀၁၆ ခုနှစ်တုန်းက ပထမအကြိမ်
ထုတ်ဝေခဲ့ပြီးပါပြီ။
မင်းပုန်းတောင်စာအုပ် ထွက်ပြီးနောက်
ဆရာမြသန်းတင့်ဘာသာပြန်ရန်
ကျန်ရစ်နေသေးတဲ့ အခန်းများကို ဆက်ပြီး
ဘာသာပြန်ပေးမယ့် ဘာသာပြန်သူကို
စာအုပ်တိုက်အနေနဲ့ မျှော်လင့်နေခဲ့ရာမှာ၊
အကြောင်းအကျိုး တိုက်ဆိုင်စွာပဲ
ဆရာမြသန်းတင့်ဘာသာပြန်ပြီး
အခန်းစဉ် ၄၅ နောက်မှ ကျန်ရှိနေသော
အခန်းစဉ်ပေါင်း ၅၅ခန်းကိုလည်း
ဆရာဉာဏ်သစ်က အပြည့်အစုံ
ဘာသာပြန်ပေးခဲ့ပါတယ်။
လွန်ခဲ့တဲ့ ၆-နှစ်လောက်က ဆရာဉာဏ်သစ်
ဘာသာပြန်ပြီးဖြစ်ပေမဲ့ အခြေအနေအမျိုးမျိုးအရ
အခုမှသာ စာအုပ်ဖြစ်လာပြီး၊
မင်းပုန်းတောင်အဆက်ကို ဖတ်ဖို့
မျှော်နေကြတဲ့စာဖတ်မိတ်ဆွေတွေရဲ့ အာလျကို
ဖြည့်နိုင်ပါတော့မယ်။
