ကိုယ်လျှောက်လှမ်းတဲ့လမ်းမှာ လုပ်သမျှ မှန်နေတဲ့အချိန်ဆို လူသားဆန်ပါ ။ မှားသွားတဲ့အချိန်မှာ ခွင့်လွှတ်ပါ ။ စာနာရိုင်းပင်းပါ ။ ဘာဖြစ်လို့လဲဆိုတော့ ဘယ်အရာကမှ အကောင်းချည်းပဲ အဆိုးချည်းပဲ ဖြစ်မနေလို့ပါ ။ ကမ္ဘာကြီးက ကြီးမားပြီး ရှုပ်ထွေးပါတယ် ။ ကံတရားနှင့် အန္တရာယ် နှစ်ခုစလုံးဟာ အစစ်အမှန်တွေဖြစ်ပြီး ခွဲခြားရခက်ပါတယ် ။
သင်ကိုယ်တိုင်ရော အခြားသူများကိုပါ စီရင်ဆုံးဖြတ်တဲ့အခါ ထိုကဲ့သို့ ပြုလုပ်လိုက်နာပါ ။ ကံကောင်းခြင်းနှင့် စွန့်စားခြင်းရဲ့စွမ်းအားကို လေးစားပါ ။ သင် အမှန်တကယ် ထိန်းချုပ်နိုင်တဲ့ အရာများကို အာရုံစိုက်ပါက ပိုမိုကောင်းမွန်တဲ့ အခွင့်အလမ်းကို ရရှိမှာပါ ။ သင့်မှာ မှန်ကန်တဲ့ စံနမူနာပြတွေကို ရှာဖွေရန် ပိုမိုကောင်းမွန်တဲ့ အခွင့်အလမ်းလည်း ရရှိမှာပါ ။
အတ္တနည်းလေ ပိုမိုကြွယ်ဝလေလေပါ ။ ငွေစုခြင်းဟာ သင့်အတ္တနှင့် သင့်ဝင်ငွေကြား ကွာဟချက်ပါ ။ နောက်ပြီး ကြွယ်ဝခြင်းဆိုတာ သင်မြင်တွေ့နေတဲ့ အရာမဟုတ်ပါဘူး။ ဒါကြောင့် ပိုမိုရရှိအောင် ဒါမှမဟုတ် အနာဂတ်မှာ ရွေးချယ်စရာ ပိုများလာအောင် ယနေ့ သင်ဝယ်နိုင်တဲ့ အရာများအပေါ် စိတ်ချိုးနှိမ်ထားခြင်းဖြင့် ကြွယ်ဝချမ်းသာမှုကို ဖန်တီးပါ ။
မင်းရဲ့ငွေနဲ့ ဒီနေ့ ဘယ်လောက် ပျော်စရာကောင်းလဲဆိုတာကို အနားမသတ်နိုင်ဘူးဆိုရင် ဘယ်လောက်ပဲ ဝင်ငွေရနေပါစေ ပေါများကြွယ်ဝမှုကို ဘယ်တော့မှ တည်ဆောက်နိုင်မှာ မဟုတ်ပါဘူး ။