#ပြည်တွင်းသတင်း
◼ တပ်ကုန်းမြို့နယ်ရှိကျေးရွာတချို့ရေကြီးရေလျှံမှုဖြစ်၊ လူဦးရေ ၄၀၀ ခန့်ရွှေ့ပြောင်းထားရ
နေပြည်တော်၊ တပ်ကုန်းမြို့နယ်၌ ယမန်နေ့(မေ ၁၈ ရက်)ညပိုင်းက မိုးသည်းထန်စွာရွာသွန်းခြင်းကြောင့် မကျီးပင်ကျေးရွာနှင့် ဥသျှစ်ကုန်းကျေးရွာတို့တွင် ရေကြီးရေလျှံခြင်းများဖြစ်ပေါ်လျက်ရှိကြောင်း ကရုဏာရှင်လူမှူကူညီရေးအသင်းထံမှသိရသည်။
အဆိုပါကျေးရွာများမှာနဝင်းချောင်းအနီးတွင်ရှိပြီး တောင်ကျရေများဝင်ရောက်လာခြင်းကြောင့် ရေကြီးရေလျှံခြင်းများဖြစ်ပေါ်လျက်ရှိကြောင်း၊ လက်ရှိတွင်ဒေသခံ ၄၀၀ ခန့်ကို ရေဘေးလွတ်ရာ ရေတွင်းဖြူဘုန်းတော်ကြီးကျောင်းသို့ပို့ဆောင်ထားကြောင်း ကရုဏာရှင်လူမှူကူညီရေးအသင်းမှ တာဝန်ရှိသူတစ်ဦးကပြောသည်။
"အဓိကတော့မိုးများတာရယ် တောင်ကျရေကြောင့် နဝင်းချောင်းကရေလျှံပြီး အနီးဝန်းကျင်မှာရှိတဲ့ ကျေးရွာတွေကိုရေဝင်တာပါ။ ရေကနှစ်ပေကျော်လောက်တက်တယ်။ ဒေသခံတွေကိုချက်ခြင်း ရွှေ့ပြောင်းပေးလိုက်တယ်။ အခုမနက်တော့ရေပြန်ကျသွားပြီ" ဟု၎င်းကပြောသည်။
ရေတွင်းဖြူဘုန်းတော်ကြီးကျောင်းသို့ရောက်ရှိနေသည့် ရေဘေးသင့်သူများအား ကရုဏာရှင်လူမှု ကူညီရေးပရဟိတအသင်းနှင့် တာဝန်ရှိသူများက အစားအသောက်များလှူဒါန်ပေးထားကြောင်း သိရသည်။
သတင်း - ပိုင်လေး
ဓာတ်ပုံ - ကရုဏာရှင်လူမှူကူညီရေးအသင်း
