𝙍𝙚𝙫𝙨 𝙄𝙩 𝙐𝙥______𝗟𝗲𝘅𝘂𝘀 𝗜𝗦𝟱𝟬𝟬 𝗙 𝗦𝗽𝗼𝗿𝘁
အာရှတိုက်အရှေ့ပိုင်းတွင်ရှိသော Luxury Brand များအနက် ဂျပန်လူမျိုးတို့ရဲ့ ဇွဲ၊ လုံ့လနှင့် အင်ဂျင်နီယာစွမ်းရည် စတဲ့ ဂုဏ်ပုဒ်သုံးရပ်စလုံးကို စကားလုံးတစ်လုံးတည်းနှင့် ဖော်ပြနိုင်တဲ့ brand ကတော့ '𝙇𝙚𝙭𝙪𝙨' ဖြစ်ပါတယ်။ Honda မှာ Acura၊ Nissan မှာ Infiniti တို့ အသီးအသီးရှိကြတယ်ဆိုပေမယ့် Lexus ရဲ့ အမေရိကန်စျေးကွက်အပေါ် လွမ်းမိုးနိုင်မှုကိုတော့ သွားယှဥ်လို့ရမပါဘူး။ Toyota အနေနှင့် မြောက်အမေရိကားစျေးကွက်အတွက် အရဲစွန့်ကာ ဖွင့်လှစ်လိုက်သော Lexus စာမျက်နှာသစ်ဟာ သားဦးဖြစ်သူ LS400 ရဲ့ reliable ဖြစ်လွန်းမှုကြောင့် brand image အပြင် အကျိုးအမြတ်များစွာ ရရှိခဲ့ပါတယ်။
Lexus ဟာ ၁၉၈၉ ခုနှစ်တွင် LS400 ကို မိတ်ဆက်ရင်း ဇိမ်ခံကားစျေးကွက်ကို လှုပ်ခတ်နိုင်ခဲ့ပြီးနောက် အနှစ်သုံးဆယ်ကျော်ကြာတဲ့အခါမှာ IS500 နှင့် နောက်ထပ်တစ်ကြိမ် ထပ်မံလှုပ်ခတ်နိုင်ရန် ကြိုးပမ်းလာခဲ့ပါတယ်။ LS400 တုန်းကနှင့်မတူဘဲ ဒီတစ်ခေါက် Lexus ပစ်မှတ်ထားကတော့ Performance Sedan စျေးကွက်ပါ။ ဆိုတော့ကာ အခုတစ်ခေါက် Lexus ရဲ့ ချဥ်းကပ်မှုကတော့ အောင်မြင်နိုင်ပါ့မလား၊ ရွေးချယ်လိုက်တဲ့ စျေးကွက်ကရော မှန်ကန်ရဲ့လား ဆိုတာကို ကျွန်တော်နှင့်အတူ ယနေ့ည episode လေးမှာ လေ့လာသွားကြရအောင်ဗျာ🖤
• 𝗕𝗼𝗱𝘆𝗹𝗶𝗻𝗲
ကားကို ရုတ်တရက်ကြည့်လိုက်ရင် သာမာန် IS350 လို့ဘဲ ထင်ရပေမယ့် သေချာအာရုံစိုက်ကြည့်လိုက်ရင် ကွဲပြားတဲ့ အချက်အလက်တွေကို တွေ့နိုင်မှာဖြစ်ပါတယ်။။ ပထမအချက်က အခြား IS မော်ဒယ်တွေထက်ကြီမားတဲ့ hood ပါ။ 5.0L V8 အင်ဂျင်ကြောင့် အင်ဂျင်ခန်းထဲ ကြပ်သိပ်မနေစေရန်အတွက် လုံလောက်တဲ့ space ပေးနိုင်အောင် hood ကိုမြှင့်တင်ဖို့ လိုအပ်ပါတယ်။ ဒီလိုမှလည်း သူ့ရဲ့ bodyline နှင့် တစ်သားတည်းကျပြီး အမြင်လှစေမှာပါ။
• 𝗥𝗲𝗮𝗿 𝗩𝗶𝗲𝘄
Taillight ကတော့ IS350 နှင့် တစ်ပုံစံတည်းဆိုပေမယ့် ကွဲပြားသွားတာက RC-F မှာပါတဲ့ quad exhaust တွေပါ။ ဒီအိတ်ဇောပိုက်တွေက V8 အင်ဂျင်သံနှင့် အလွန်ဘဲ လိုက်ဖက်မှုရှိပြီး ကားဒီဇိုင်းကို sportier ပိုဖြစ်စေပါတယ်။
• 𝗘𝗻𝗴𝗶𝗻𝗲
Lexus Brand ရဲ့ ပထမဆုံးကားဖြစ်သော LS400 မှ 1UZ-FE အင်ဂျင်ကို ကောင်းကောင်းမှတ်မိကြမယ်ထင်ပါတယ်။ ၎င်းအင်ဂျင်ဟာ အလွန်ချောမွေ့ပြီး၊ reliable ဖြစ်လွန်းတာကြောင့် over-engineered ဖြစ်တယ်လို့ လူတိုင်းပြောကြတယ်ဗျ။ သို့ပေမယ့် လူတိုင်းမပြောကြတဲ့အရာက ဒီအင်ဂျင်ဟာ မိုင် ၁ သန်း(ကီလို ၁၆ သိန်း) အထိခံနိုင်ရည်ရှိတယ်ဆိုတဲ့ အကြောင်းပါ။ တော်ရုံတန်ရုံကားအနေနှင့် မိုင် ၁ သန်းအထိ သွားဖို့ဆိုတာထက် ၁၀ နှစ်လောက်ဆိုရင်တောင် အင်ဂျင်ရော ကားရော ဆွေးနေပါပြီ။ Lexus တွေကတော့ ဒီလိုမဟုတ်ပါဘူး။ မိုင် ၁ သန်းဆိုတဲ့ ပမာဏကို မျက်လုံးထဲမြင်အောင် ဥပမာပေးရမည်ဆိုရင်တော့ စာဖတ်သူဟာ မိမိရဲ့ LS400 ကားကို တစ်နေ့လျှင် ၁၄၇ ကီလို/၉၁ မိုင်အကွာအဝေးဘဲ မောင်းမည်ဆိုပါစို့။ ဒါဆိုရင် ကားရဲ့ 1UZ-FE အင်ဂျင်အတွက် မိုင် ၁ သန်းပြည့်ဖို့ ၁၀၉၅၀ ရက် (သို့မဟုတ်) နှစ်ပေါင်း ၃၀ အထိကြာမြင့်ပါလိမ့်မယ်။ ကြားထဲမှာ အင်ဂျင်ဝိုင်လဲလှယ်ခြင်း၊ overhaul ပြန်ကိုင်ခြင်း စတာတွေတော့ လိုအပ်တာပေါ့၊ ဘာဘဲဖြစ်ဖြစ် ကျွန်တော်အဓိကဖော်ပြချင်တဲ့ အချက်က ဒီအင်ဂျင် ဘယ်လောက်ကောင်းသလဲ ဆိုတာကိုပါ။ စာဖတ်သူအနေနှင့် ယုံလောက်မှာမဟုတ်မှန်း ကျွန်တော်သိလို့ တကယ် မိုင် ၁ သန်းမောင်းခဲ့ဖူးတဲ့ LS400 တစ်စီးအကြောင်းရဲ့ ဆောင်းပါး link ကို ထည့်ပေးထားပါတယ်နော်။ Lexus အနေနှင့် ဒီကားကို ဘယ်လိုမျိုးအချိန်ယူပြီး ကြိုးစားတည်ဆောက်ခဲ့ရသလဲဆိုတာကို Boosted Stories___LS400 ဖတ်ဖူးရင် ရင်းနှီးပြီးသားဖြစ်လောက်မှာပါ။ မဖတ်ဖူးသူများအတွက်လည်း အောက်မှာ link တစ်ခု ထပ်ထည့်ပေးထားပါမယ်ခင်ဗျာ။
