လူတိုင်းမှာ နာကျင်စရာ ကောင်းတဲ့အတိတ်တွေ ၊ နာကျင်စရာ ကောင်းတဲ့အချိန်တွေ ရှိကောင်းရှိခဲ့နိုင်ပါတယ် ။ ဒါပေမဲ့ မကောင်းတဲ့ အတိတ် ၊ မကောင်းတဲ့ သူငယ်ချင်း မကောင်းတဲ့ Toxic ဆက်ဆံရေးတွေကို နှုတ်ဆက်လိုက်မယ်လို့ တွေးကြည့်ဖူးလား ။ တွေးကြည့်ဖူးမှာပါ ။ လူတစ်ယောက်ကိုမေ့ဖို့ အချိန်တွေ အရမ်းပေးရပါတယ် ။ ဟုတ်ပါတယ် ဒါဟာလည်း မလွယ်ကူပေမယ့် မေ့ပစ်ဖို့ ကြိုးစား နေကြတာပါ ။
အဲဒီလို မကောင်းတဲ့အတိတ်တွေ မကောင်းတဲ့ Ex မကောင်းတဲ့ Fake Friend တွေကို လွှတ်ချဖို့ အချိန် လိုအပ်ပါတယ် ။ အဲဒီမကောင်းတဲ့ အတိတ်ထဲက ရုန်းထွက်ဖို့ဆို အချိန် တစ်လ တစ်နှစ် ကြာကောင်း ကြာနိုင်ပါတယ်။ ဒါပေမဲ့ ဘယ်လို ရုန်းထွက်ရမလဲ ။ ဟုတ်ပြီ ။
ပထမအချက် ။ သူတို့နဲ့ မပတ်သက်မိပါစေနဲ့ ။ အတိတ်က အရာတွေကို ပြန်ပြန် မတွေးပါနဲ့တော့ ။ အဲဒီအတိတ်က မကောင်းတဲ့အရာဟာ Ex ဖြစ်စေ ၊ Fake Friend ဖြစ်စေ လုံးဝ ပြန်မတွေးပါနဲ့တော့ ။
ဒုတိယအချက်။ Memoryတွေကို ဖျက်ပစ်ပါ ။ ဒီအချက်က သိပ်တော့ မလွယ်ကူလှဘူး ။ ဒါပေမဲ့ လုပ်နိုင်သွားရင် လွယ်လွယ်လေးပါ ။ သူတို့နဲ့ ပတ်သက်တဲ့ ဓာတ်ပုံတွေ ၊ ဖုန်းနံပါတ်တွေ ၊ အကောင့်တွေ ဖျက်သင့်တာဖျက် ။ Block ထိ လုပ်နိုင်ရင်လုပ် ၊ မလုပ်နိုင်ရင် Un ပဲ Un ထားလိုက်ပါ ။
တတိယအချက် ။ ကိုယ့်ကိုယ်ကိုယ် အကောင်းဆုံး ဖြစ်အောင်နေပါ ။ အဲဒီအတိတ်တွေကြောင့် နာကျင်ခဲ့ရပြီးပြီလေ ။ ကိုယ့်ကိုယ်ကိုယ် လှလှပပလေးနဲ့ ကျန်းမာရေးလေး သေချာဂရုစိုက်ပါ ။ အဲဒီအတိတ်နဲ့ မဆိုင်တော့ဘူးဆိုပြီး တာ့တာပြလိုက်ပါတော့ ။
မင်း အခု အကောင်းဆုံးတွေ လုပ်နေတာပဲ ။ အတိတ်က မကောင်းတာတွေကို လွှတ်ချနိုင်တဲ့သူက အနာဂတ်မှာ ပိုကောင်းတဲ့သူ ဖြစ်လာပါတယ် ။ ပိုကောင်းတာတွေ ပိုင်ဆိုင်ရပါတယ် ။ ကဲ အဲဒီ မကောင်းတဲ့အတိတ်ကို နှုတ်ဆက်လိုက်ပါတော့ ။ တာ့တာ ။