တောင်ကြီးမြိုပေါ်တွင် မိုးသည်းထန်စွာရွာသွန်းမှုကြောင့် ရေကြီးရေလျှံမှုဖြစ်ပွား
*********************
(ပြည်တွင်း) မေလ ၁၆
ရှမ်းပြည်နယ်၊ တောင်ကြီးမြို့ပေါ်၌ ယမန်နေ့မွန်းလွဲ ၂ နာရီအချိန်ခန့်မှ ညနေပိုင်းအထိ မိုးသည်းထန်စွာရွာသွန်းမှုကြောင့် ရေကြီးရေလျှံမှုများဖြစ်ကာ ခြံစည်းရိုး အုတ်တံတိုင်းအချို့ ပြိုကျပျက်စီးခဲ့ကြောင်း သိရသည်။အဆိုပါ မိုးသည်းထန်စွာရွာသွန်းမှုကြောင့် တောင်ကြီးမြို့ပေါ်ရှိ ရပ်ကွက် ၂၂ ရပ်ကွက်တို့ရှိ မြေနိမ့်ပိုင်းနေရာများ၌ မိုးကြီး/ရေလျှံမှုများဖြစ်ပေါ်လျက်ရှိကာ ရေအမြင့်ပေ ၂ ပေခန့်အထိ မြင့်တက်ခဲ့ပြီး နေအိမ်အချို့ ခြံစည်းရိုးအုတ်တံတိုင်းများ ပြုကျပျက်ဆီးခဲ့ကြောင်း သိရသည်။
၎င်း နေအိမ်များသည် မြေနိမ့်ပိုင်းဖြစ်ပြီး မိုးကြီး/ရေလျှံမှုများဖြစ်ပေါ်လျက်ရှိကာ ရေအမြင့်ပေ ၂ ပေခန့်အထိ မြင့်တက်ခဲ့ခြင်းကြောင့် နေအိမ်ခြံဝင်းများအတွင်း ရေများဝင်ရောက်လျက်ရှိသော ကြောင့် ညနေ ၆ နာရီ ၄၅ မိနစ်အချိန်ခန့်တွင် အဆိုပါနေအိမ်ပိုင်ရှင်များနှင့် မိသားစုဝင်များသည် ညောင်ဖြူစခန်းရပ်ကွက်ရှိ နီးစပ်ရာ ဆွေမျိုး/သားချင်းများ၏ နေအိမ်များသို့ ယာယီ ခေတ္တ ပြောင်းရွှေ့နေထိုင်လျက်ရှိပြီး၊ အဆိုပါရေကြီးရေလျှံမှုကြောင့် လူ/တိရစ္ဆာန်များ ထိခိုက်/သေဆုံးမှုမရှိကြောင်း သိရသည်။
