ကမ္ဘာကျော်စာရေးဆရာမကြီး Daphne du Maurier (ဒက်ဖနီဒူမောရီးယား) ကို စာချစ်သူ(အထူးသဖြင့် ဘာသာပြန် အဖတ်များသူ) အတော်များများ သိကြသည်။
သူ့စာအုပ်များတွင် အကျော်ကြားဆုံး ၊ လူသိအများဆုံး ၂ အုပ်ရှိသည်။
တစ်အုပ်က Rebecca ( ရဘက်ကာ အမည်ဖြင့် ဆရာအထောက်တော်လှအောင် ဘာသာပြန်ပြီး) ၊ နောက်တစ်အုပ်က My Cousin Rachel .....
My Cousin Rachel ကို ဆရာကြီးဦးတင်မောင်မြင့်က " မမရေချယ် " အမည်ဖြင့်ဘာသာပြန်ခဲ့သည်။
ယခု ကံကော်ဝတ်ရည်က မမရေချယ်ကို တတိယအကြိမ်အဖြစ် ပြန်လည်ထုတ်ဝေပါမည်။
"အမျိုးတစ်ယောက်နဲ့ ဒီမှာလာတွေ့တယ်။ သူ့နာမည်က ရေချယ် တဲ့။ ညီလေးရဲ့ မမရေချယ်နဲ့ အစ်ကို လွန်ခဲ့တဲ့ နှစ်ပတ်က လက်ထပ်လိုက်ပြီ"
"ညီလေး အစ်ကို ဒုက္ခရောက်နေပြီ။ အမြန်ဆုံးလိုက်ခဲ့ပါ။ ရေချယ်ကြောင့် အစ်ကို ဒုက္ခရောက်နေပြီ။ အချိန်မီ မရောက်ရင် သိပ် နောက်ကျသွားလိမ့်မယ်"
"မောင်လေး ဘယ်လိုဖြစ်နေတာလဲ၊ အငြိမ်ကို မနေဘူး။ ဒါလောက်ဖြစ်နေရင် မီးပြတိုက်အထိ ပြေး။ ပြီးတော့ ပြန်ပြေးလာ။ တကတည်း အရူးကျနေတာပဲ"
"ဒါကို ရူးတယ်ဆိုရင် ကျွန်တော် အမြဲ ဒီအတိုင်းနေသွားချင်တယ် မမရေချယ်၊ ရူးရဝာာ ဘယ်လောက် ပျော်စရာကောင်းလဲဆိုတာ ခုမှ သိတော့တယ်"
***မမရေချယ်ဟာ မာယာများသူလား၊ သိုးကလေးလို ဖြူစင်သူလား ၊ ရက်စက်သူတစ်ဦးလား ၊ မေတ္တာစစ်နဲ့ ချစ်တတ်သူလား ... ???
ကိုယ်တိုင်ဖတ်ရှုခံစားသူများသာ ပေးနိုင်မည့် အဆုံးအဖြတ်ဖြစ်သည်။
• စာညွန်း - ကံကော်ဝတ်ရည် / မှ
× × × × × × × ×
▫️တင်မောင်မြင့် - မမရေချယ်
▫️Daphne du Maurier - My Cousin Rachel