စက္ကူပန်းလေးတွေကိုပဲ ဆက်ချစ်နေပေးပါ
"ရနံ့ကိုသာ မရွေးမိဘူးဆိုရင်...
သစ်ခွပန်း၊ သဇင်ပန်းလို မွှေးပျံ့တဲ့ ပန်းတွေရဲ့ တန်ဖိုးမရှိဘဲ
သူတို့နဲ့အတူတူ အရောင်အသွေးနဲ့ တစ်သက်သက်ကွဲပြားနေတဲ့
စက္ကူပန်းလေးတွေကိုလည်း ခင်ဗျားတို့ ချစ်လို့ရပါတယ်။"
တကယ်တော့ ကျွန်တော်တို့တွေ သိနေတာပါပဲ။
စက္ကူပန်းလေးတွေကိုချစ်ပေမယ့်
ဘယ်သူမှ ခေါင်းပေါ်မှာ မပန်ချင်ကြတာပေါ့... မဟုတ်လား။
ချစ်တယ်ဆိုတာက တာက
ဟိုးအဝေးက တောင်တန်းပြာတွေကို ချစ်သလို၊
စိမ်းမြမြမြက်ခင်းကျယ်တစ်ခုကို သဘောကျသလို၊
ပုံစံမျိုးစုံနဲ့ လွှင့်မျောနေတဲ့ အဖြူရောင်တိမ်တိုက်တွေကို ကြည့်ရင်း နှစ်သက်သလို...
သူ့သဘာဝ၊ သူ့အရှိတရားနဲ့ သူ့ရဲ့တိတ်တဆိတ်အလှကိုပဲ ချစ်နေခြင်းပါပဲ။
နောက်ပြီးတော့...
တောင်တန်းတွေကို တောင်ခြေကနေကြည့်တာထက်၊
အဝေးပြေးလမ်းမတစ်လျှောက်က ကြည့်တဲ့အခါမှာတော့
အလှတရားတစ်ခုအဖြစ် ပိုပြီးနှစ်ခြိုက်စရာကောင်းလှပါတယ်။
ဘာကြောင့်လဲဆိုတော့ —
တစ်ချို့သောအရာတွေက နီးနီးကပ်ကပ်မှာ မဟုတ်ပဲ
ဝေးဝေးက ခံစားရတာမျိုးနဲ့ပဲ ပိုသင့်တော်နေကြလို့ပါ။
#sitt
#စာရယ်ကဗျာရယ်
