ဖုန်းပဲ ပါးမယ်.. စျေးတော့မပါးဘူး 🫥
.
Samsung ကနေ Galaxy S25 Edge ဖုန်းကို တရားဝင်မိတ်ဆက်လိုက်ပါပြီ။ ဒီဖုန်းက သတင်းတွေထွက်ထား၊ အရင်ကလည်း ပုံစံကို ပြပြီးသားဆိုတော့ တကယ်ထွက်လာတဲ့အချိန်မှာလည်း ထူးခြားတဲ့ ပြောင်းလဲမှုအသစ်တွေ၊ Surprise တွေ မပါဘူးလို့တောင် ပြောလို့ရတယ်။
အရင်ဆုံး Galaxy S25 Edge ရဲ့ အထူက 5.8mm ပဲရှိမယ်၊ ဒါက Screen Size တူတဲ့ Galaxy S25+ ရဲ့ 7.3mm ထက် ပိုပါးမယ်၊ Galaxy S25 Ultra က 8.2mm ဆိုတော့ ပိုပြီး ပါးတာက သိသာသွားမယ်။ အထူကလည်း 163g ပဲရှိမယ်။ S25+ တောင် 190g ဆိုတော့ ကိုင်ရတာ S25 ရိုးရိုး ကိုင်ရသလို အလေးချိန်ကို Screen Size က 6.7" ဖြစ်သွားတာပဲ။ ဒီလိုပါးပြီး ပေါ့အောင် Titanium Body Chassis ကို သုံးပေးထားတယ်။
ဒီနေရာမှာ Samsung က နည်းနည်း Apple အချိုးလိုက်ချိုးတာက Weight နဲ့ Thickness Comparison လုပ်တဲ့နေရာမှာ S24+ | S23+ ကိုပဲ​ရွေးလို့ရမယ်။ ပြောရရင် S25 ရိုးရိုးက 7.2mm နဲ့ 162g ပဲရှိတော့ Screen Size 6.2" နဲ့ အရွယ်အစားပိုသေးပေမယ့် ပေါ့ပေါးပါးပါးကိုင်ချင်ရင် S25 က ပိုကိုင်လို့ကောင်း၊ ပိုပေါ့ဦးမယ် - ပါးတာပဲ နည်းနည်းလေးကွာမယ်။
ဒါပေမယ့် Galaxy S25 နဲ့ S25+ ထက် ပိုသာသွားတာက Galaxy S25 Edge မှာ 200MP camera ကို သုံးထားလိုက်တယ်၊ အဲ့အပြင် 12MP Ultrawide Camera ကိုလည်း ထည့်ပေးထားတယ်။ Galaxy S25 Series မှာသုံးထားတဲ့ ProVisual Engine တွေ၊​ AI Feature - Audio Eraser ၊​ Drawing Assist တွေလည်း အကုန်သုံးလို့ရမယ်။
Performance ပိုင်းမှာ Snapdragon 8 Elite for Galaxy ကိုပဲ သုံးထားတယ်၊ Vapor Chamber Cooling Design အသစ်ကို သုံးထားတော့ Cooling လည်း နိုင်မလားကတော့ တကယ့် Review တွေစောင့်ကြည့်ရမယ်။ RAM 12GB နဲ့ 256GB Storage က စရောင်းမယ်။
Battery အနေနဲ့ဆိုရင် 3900mAh Battery ပါမယ်၊ 25W Charging ပဲဖြစ်ဦးမယ်။ IP68 Rating တွေ၊ Wireless Charging တွေလည်း ပုံမှန်အတိုင်း ပါမယ်။
ဆိုတော့ $1,099 ဆိုတဲ့စျေးမှာ Galaxy S25 Edge က S25+ လို Screen Size နဲ့ဖုန်းမျိုးကို Tele လျော့ပြီး Main Camera ပိုကောင်း၊ Titanium Body နဲ့ ပိုပါး၊ ပိုပေါ့တာကို ကိုင်ချင်ရင်တော့ ရွေးလို့ရမယ်။ စျေးအရတော့ အရမ်းကြီး Recommend ပေးလို့ကောင်းတဲ့ ဖုန်းမဟုတ်နေဘူး - Samsung ကလည်း ဒီ ဖုန်းအပါးစျေးကွက်ကို Foldable တုန်းကလို ငါတို့အရင်ဆုံး ထုတ်ပြနိုင်တယ်ဆိုပြီး ထုတ်တာနဲ့တောင် ပိုတူတယ်။