အလွယ်တကူ နန်းကြီးသုပ်လုပ်နည်း
လိုအပ်တဲ့ ပါဝင်ပစ္စည်းတွေကတော့
-နန်းကြီးဖက်
-ကြက်သား
- ငါးငံပြာရည်
-ကြက်သားမှုန့်၊
-ဆနွင်း၊
-ငရုတ်သီးအရောင်တင်မှုန့်
-ကြက်သွန်ဖြူ
-ကြက်သွန်နီ၊
-ဂျင်း
-ဆီ
-သစ်ဂျပိုးခေါက်
-ကရဝေးရွက်
-ရေ အနည်းငယ်
-ပဲမှုန့် (အကျက်မှုန့်)
-ပြုတ်ထားသော ကြက်ဥခြမ်း
-နံနံပင်
-သံပုရာသီး
ကြက်သား ကို အတုံးသေးသေးလေးတွေတုံးပြီး “မြန်မာ့အကြိုက်” ငါးငံပြာရည်၊ ကြက်သားမှုန့်၊ ဆနွင်း၊ ငရုတ်သီးအရောင်တင်မှုန့် တို့ဖြင့်
အရသာဝင်အောင်နယ်ထားပါ။
ကြက်သွန်ဖြူ၊ကြက်သွန်နီ၊ဂျင်းတို့ကိုကြိတ်ထားပါ။
ဒယ်အိုးထဲတွင်ဆီပူအောင်တည်ပါ။
ဆီပူလာလျှင် ကြိတ်ထားသော (ကြက်သွန်ဖြူ၊ကြက်သွန်နီ၊ဂျင်း)၊ သစ်ဂျပိုးခေါက်၊ ကရဝေးရွက် တို့ကို မီးအေးအေးဖြင့် မွှေးလာသည်အထိ ဆီသပ်ပါ ။
ဆီသပ်ထား တဲ့အနံ့မွှေးလာလျှင် ငရုတ်သီးအရောင်တင်မှုန့် ထည့်၍ ဆီသပ်ပါ။
ထိုနောက်ကြက်သား နှင့် ရေ အနည်းငယ် ထည့်ပြီး ၂မိနစ်ခန့် တည်ထားပေးပြီး မီးပိတ်လိုက်ပါ။
ကြက်သားဆီသပ်တာ ရရင်တော့ နန်းကြီးသုပ် စတင်သုပ်လို့ရပါပြီ 🤤
ပန်းကန်းတစ်ခုထဲ နန်းကြီးခေါက်ဆွဲ (လက်တဆုတ်စာ)၊
ပဲမှုန့် (စားပွဲတင်ဇွန်း ၁ ဇွန်း)၊
မြန်မာ့အကြိုက် ငါးငံပြာရည် (လက်ဖက်ရည် ဇွန်း ၁ ဇွန်း)၊
ဆီသပ်ထားသောကြက်သား၊
ငရုတ်သီးအရောင်တင်မှုန့် တို့ကို ထည့်ပြီး သမအောင် ရောမွှေပေးပါ။
အရသာရှိသော နန်းကြီးသုပ်ကို အအီပြေစေရန် ကြက်ဥပြုတ်၊ နံနံပင်၊ အကွင်းလိုက်လှီးထားသော ကြက်သွန်နီ၊ သံပုရာသီးအစိပ် တို့ဖြင့်တွဲဖက် စားသုံးနိုင်ပါသည်။
အပေါ့အငံ အတွက်လည်း မြန်မာ့အကြိုက် ငါးငံပြာရည် နှင့် ဟင်းရည်တို့ နှင့် တွဲဖက်စားသုံးနိုင်ပါသေးတယ် ❤️
ရာသီဥတု ကူးပြောင်းခါစ ရာသီတုပ်ကွေးဒဏ်တွေ ကြံကြံခံ ဖို့ မနက်စာ မှန်မှန်စားဖို့ မမေ့ပါနဲ့နော်🥰
