ဒီနေ့တော့ဆီပြန်ဟင်းတစ်ခွက်ချက်ပြပါမယ်
ပုဇွန်မာဆလာ (Prawn Masala)
ပုဇွန်ကို အကောင်လိုက် ရေအရင်ဆေးပါ။ ပြီးလျှင် အမြီးဖျားညှပ် ခေါင်းညှပ် သွားထုတ် ပြီးလျှင် အခွံမခွာဘဲ အခွံနှင့်အတူ ကျောခွဲပြီး အညစ်အကြေးထုတ်ကာ ရေဖွဖွဆေးပါ။ ပြီးလျှင် ပုဇွန်ကို ဆား နှင့် အရသာမှုန့် နယ်ကာ ၁၅ မိနစ်ခန့်နှပ်ထားပါ။
ကြက်သွန်နီ+ ကြက်သွန်ဖြူ+ ဂျင်း + ငြုပ်သီးအပွခြောက် ရောထောင်းပါ။ မန်ကျည်းသီမှည့်ကို ရေနွေးစိမ်ထားပါ။ ကြက်ဥတစ်လုံးကို ခေါက်ထားပါ။ ရှမ်းနံနံ နှင့် ဟင်းရွက်မာဆလာ ကို အဆင်သင့်ပြင်ထားပါ။
အိုးထဲတွင် ဆီအနည်းငယ်ထည့်ပါ။ ဆီပူလာလျှင် ထောင်းထားသော ငြုပ်သီးကို ထည့်ပါ။ မွှေးလာလျှင် မာဆလာ ထည့်ဆီသတ်ပါ။ ပြီးလျှင် ရေနွေးနည်းနည်းထည့်၍ အနှစ်ဖြစ်အောင်ချက် ပါ။ အနှစ်ထဲ အရသာ တခါတည်း ပြင်ပါ ဆား+အရသာ မှုန့်လိုသလိုထည့်ပါ။ ပြီးလျှင် ပုဇွန်ထည့်ပါ။ ပုဇွန် မကျက်တကျက်တွင် မန်ကျည်းသီးမှည့်အနှစ်ရည်ကို ထည့်ပါ။ ဆူလာလျှင် ခေါက်ထားသော ကြက်ဥထည့်ပါ။ ကြက်ဥနှစ် မန်ကျည်းနှစ် လိပ်စပြုလျှင် ရှမ်းနံနံအုပ်ပါ။
ပုဇွန်မာဆလာချက်ရပါပြီ!
