Buried (201 | Directed by Rodrigo Cortés

ဒီ ဇာတ်ကားအကြောင်းမပြောခင် ကြိုတင် သတိပေးချင်တာ တစ်ခုကတော့ claustrophobic ရှိတဲ့သူတွေအနေနဲ့ ဒီဟာကိုမကြည့်ဖို့ အကြံပေးပါရစေ။ ဘာကြောင့်လဲဆိုတော့ claustrophobic ဆိုတာ ပိတ်လှောင်ခံရမှာ ကြောက်တဲ့ ရောဂါတစ်မျိုးဖြစ်လို့ ဒီ ဇာတ်ကားဟာ စိတ်ကို ပိုပြီး အကျဥ်းကျနေသလို ခံစားရစေပါတယ်။
သာမန်လူအနေနဲ့ ဒီဇာတ်ကားကို ကြည့်ရင်တောင် မွန်းကြပ်လာပြီး အခေါင်းထဲက ထွက်လို့ရမှ ရပါ့မလားဆိုပြီး ရင်တမမနဲ့ ကြည့်နေမှာပါ။

ဒီဇာတ်ကားက Company ရဲ့ လစ်လျှူရှုမှုတွေနဲ့ နိုင်ငံရေးလှည့်ကွက်တွေကြားထဲရောက်နေတဲ့ ထရပ်ကား Driver တစ်ယောက်ရဲ့ အကြောင်းကို ရိုက်ပြထားတဲ့ ဇာတ်ကားဖြစ်ပါတယ်။

အီရတ်မှာ ကားမောင်းပေးရတဲ့ Paul Conroy ဆိုသူက သူတို့မောင်းနေတဲ့ CRT Company ကားတန်းကြီးက အိီရတ်က သူပုန်တွေနဲ့ တွေ့ပြီး တိုက်ခိုက်မှုထဲ ပါသွားပါတယ်။ ဒါပေမယ့် Paul Conroy က ကံကောင်းလား ကံဆိုးတာလားမသိပါဘူး။ သတိမေ့ပြီး အီရတ်သူပုန်တွေက အခေါင်းတစ်ခုထဲထည့်ပြီး မြေကြီးထဲ မြှုပ်ထားလိုက်ပါတော့တယ်။ သူ့ကို ဖုန်းတစ်လုံး မီးခြစ်တစ်ခုနဲ့ ပေးထားပါတယ်။ ဒါပေမယ့် ဒါတွေ အားလုံးဟာ ကြာကြာမခံခဲ့ပါဘူး။

တစ်ကားလုံး အခေါင်းထဲမှာ ပြီးသွားလို့ နောက်ဆုံး လွတ်မြောက်သွားလား၊ အသက်ရှင်သွားလား တွေးစရာတွေ စိတ်မွန်းကျပ်စရာတွေနဲ့ ပြီးသွားတဲ့ ဇာတ်ကားတစ်ကားပါပဲ။