ယမန်နေ့က ဖြစ်ပွားခဲ့‌သည့် မတော်တဆမှုကို စုံစမ်းစစ်ဆေးနေကြောင်း မြန်မာအမျိုးသားလေကြောင်း (MNA) ထုတ်ပြန်

မြန်မာအမျိုးသား လေကြောင်းခရီးစဉ်တစ်ခု၌ မတော်တဆ ဖြစ်ပွားမှုကို မြန်မာအမျိုးသားလေကြောင်း (MNA) အနေဖြင့် စုံစမ်းစစ်ဆေးမှုများ စနစ်တကျ ဆောင်ရွက်နေပြီဖြစ်ကြောင်း မေ ၇ ရက်က ယင်းလေကြောင်းလိုင်းမှ အသိပေးထုတ်ပြန်ခဲ့သည်။

အဆိုပါ ထုတ်ပြန်ချက်၌ မေ ၆ ရက်နေ့ ညနေ ၆ နာရီ ၃၅ မိနစ်တွင် မြန်မာအမျိုးသားလေကြောင်းမှ ခရီးစဉ် UB - 812 အား Boeing XY-ALV ဖြင့် မန္တလေးမြိုမှ ရန်ကုန်မြိုသို စတင်ထွက်ခွာခဲ့ရာ ခရီးသည် (၁၄၃)ဦး သယ်ဆောင်၍ ပျံတက်ရန်ပြုလုပ်နေစဉ် လေယာဉ်ပြေးလမ်းပေါ်တွင် ပုံမှန်မဟုတ်သော အချက်ပြမှုဖြစ်ပေါ်လာသဖြင့် လေယာဉ်မှူးမှ ပြေးလမ်းပေါ်တွင် ပျံသန်းမှု ရပ်တန့်ခြင်းပြုလုပ်ခဲ့ကြောင်း၊ ထိုသိုပြုလုပ်စဉ် လေယာဉ်၏ Brake စနစ်ပူပြင်းမှုကြောင့် လေယာဉ်၏ ဘယ်ဖက်တာယာများ ပွင့်ထွက်လွင့်စင်မှု ဖြစ်ပေါ်ခဲ့ပြီး မီးတောက်ဖြစ်လာခဲ့သဖြင့် အချိန်မီ ငြှိမ်းသတ်နိုင်ခဲ့သည်။

ထိုနောက် ကျန်ရှိသော လေယာဉ် ဘီးများကောင်းမွန်ပြီး လေယာဉ် ပြေးလမ်း၏ မြောက်ဘက်ထိပ်တွင် ဘေးအန္တရာယ် ကင်းရှင်းစွာ ပြေးလမ်းပေါ်၌ ရပ်တန့်နိုင်ခဲ့ပြီး လေယာဉ်ပေါ်တွင် ပါရှိသော လေယာဉ် အမှုထမ်းများ လိုက်နာကျင့်သုံးရသော Safety Operating Procedure များအတိုင်း ပြုလုပ်ခဲ့ကာ ခရီးသည်များ နှင့် လေယာဉ်အမှုထမ်းများ အားလုံးထိခိုက်မှု တစ်စုံတစ်ရာမရှိဘဲ ဘေးကင်းလုံခြုံစွာဖြင့် လေဆိပ်နား နေဆောင်သို ပိုဆောင်ပေးနိုင်ခဲ့ကြောင်း ထုတ်ပြန်ချက်တွင်ပါရှိသည်။

ထိုအပြင် မြန်မာအမျိုးသားလေကြောင်း အနေဖြင့် အဆိုပါခရီးစဉ် တွင် ပါရှိသောခရီးသည်များအား ရန်ကုန်မြိုသို အစားထိုးလေယာဉ်များဖြင့် ပိုဆောင်ပေးနိုင်ခဲ့ပြီး ခရီးသည်များ၏ လိုအပ်ချက်များအတိုင်း အဆင်ပြေစွာ ဆောင်ရွက်ပေးနိုင်ခဲ့ကာ ဖြစ်ပွားခဲ့သည့် ဖြစ်စဉ်နှင့် ပတ်သတ်၍ မြန်မာအမျိုးသားလေကြောင်းမှ ခရီးသွားမိဘပြည်သူများအား အနူးအညွတ်တောင်းပန်အပ်ကြောင်း ထုတ်ပြန်ခဲ့သည်။

NOM