Nvidia ကို ယှဉ်နိုင်မယ့် AI Chip သစ် Huawei ဖန်တီးနေ
Huawei က Nvida ကို ခြိမ်းခြောက်နိုင်မယ့် chip တစ်မျိုး စမ်းနေပါတယ်။
Ascend 910D လို့ ပြောပါတယ်။ လောလောဆယ် သူ့ chip သစ်ကို စမ်းသုံးဖို့ တရုတ်နည်းပညာကုမ္ပဏီတချို့နဲ့ Huawei စကားပြောနေတယ်လို့ ဆိုပါတယ်။ ဒီ chip က Nvidia ရဲ့ flagship chip ဖြစ်တဲ့ Nvidia H100 ထက် ပိုစွမ်းရည်မြင့်နိုင်ပါတယ်။
H100 တွေက ဒေါ်လာ ၂၅၀၀၀ ကနေ ၃ သောင်းကျော်အထိ ဈေးမြောက်တဲ့ တန်ဖိုးကြီး GPU တွေ ဖြစ်ပြီး ဒီနေ့ခေတ် AI မော်ဒယ်တွေ လေ့ကျင့်ရေးမှာ သုံးပါတယ်။ Nvidia AI chip တွေကို တရုတ်ကုမ္ပဏီတွေ ဝယ်ချင်တိုင်း ဝယ်လို့ မရပါဘူး။
အမေရိကန်အစိုးရဘက်က သူ့အဆင့်မြင့် chip တွေ တရုတ်ဘက် မရောက်အောင် ကန့်သတ်ထားလို့ပါ။ H100 chip တွေဆို မထွက်ခင် ၂၀၂၂ ကတည်းက တရုတ်ဈေးကွက်ထဲ ရောင်းခွင့် အမေရိကန်အာဏာပိုင်တွေ ပိတ်ပင်ခဲ့ပါတယ်။
Nivdia H100 ကို ယှဉ်နိုင်လောက်တဲ့ Huawei Ascend 910D chip နမူနာ ပထမဆုံးအသုတ်တော့ နောက်လဆန်းပိုင်း စဖြန့်တော့မှာပါ။ နောက်ထပ် အဆင့်မြင့် 910C AI Chip လည်း နောက်လဆန်းပိုင်းမှာ တရုတ်ဝယ်လက်တွေအတွက် တင်ပို့ဖို့ ပြင်ထားပါတယ်။
H100 ကိုသာ ယှဉ်နိုင်ရင် Huawei AI chip တွေအတွက် တရုတ်ဈေးကွက်က အပိုင်ပဲ ဖြစ်သွားနိုင်ပါတယ်။
