1 ရက် - ဘာသာပြန်ပါ။

လွန်ခဲ့တဲ့နှစ်ပေါင်း ၉၀၀ ကျော်က တောင်ကြီးတစ်ခုလုံးကိုထွင်းထုထားတဲ့ မြန်မာဗိသုကာပညာရှင်တွေရဲ့လက်ရာကိုဂုဏ်ယူစွာမြင်တွေ့ရမဲ့ ရွှေဘတောင်
ပုဂံခေတ် အလောင်းစည်သူမင်းလက်ထက် ကျောက်ထွင်း အနုပညာဆရာကြီး သူဌေးမင်းဦးရွှေဘ မှ ထိုကျောက်တောင် အကြီးကြီးတွင် ကျောက်နံရံများ၊ ကျောက်ရုပ်ထုများ၊ ကျောက်ဂူများ၊ ကျောက်ဘုရားများနှင့် ကျောက်ပန်းပုလက်ရာများကို ထွင်းထုပြီး ကျောက်လူသွားလမ်း ဖောက်လုပ်ရာမှ ရွှေဘတောင်ဟူ၍ အမည်တွင်ရခြင်းပါ။
ကျောက်ထွင်းအနုပညာရှင် ဦးရွှေဘနှင့် တပည့်များမှ ထို ကျောက်တောင်ကြီးကို ပုံဖော်ရာတွင်လည်း မည်သည့် နည်းပညာမှမပါဝင်ပဲ လက်နှင့်ဆောက်ကိုသာသုံး၍
ကျောက်သားများကို ထွင်းထုခဲ့ကျတယ်လို့မှတ်သားရပါတယ်။
မြန်မာတို့ရဲ့စေတီဘုရားတွေဟာပုံမှန် အုတ်တွေသဲတွေနဲ့သာ တည်ထားကိုးကွယ်ကြသော်လည်း ရွှေဘတောင်မှာရှိတဲ့ ဘုရားတွေကတော့ ကျောက်တွေနဲ့သာထွင်းထုထားပါတယ်။
ကျောက်သားနံရံများကို အင်္ဂတေ လုံးဝမပါပဲမြန်မာမှုလက်ရာ ကျောက်ပန်းတမော့နှင့် ကျောက်လက်မှုပညာ စစ်စစ်တွေနဲ့သာ ထွင်းထုထားပါတယ်။
ရွှေဘတောင်မှာ နာမည်ကြီး ကျောက်လှေကားကတော့ Instragram နာမည်ကြီး နေရာဖြစ်ပြီး ကျောက်နံရံကို
ကျောက်ရေအိုးစဉ် အဖြစ် အသက်သွင်းထားမှုတွေ
ကျောက်တောင်ကြီးကို ကျောက်လှိုဏ်ဂူအဖြစ်ဆောက်
လုပ်ထားပြီးအတွင်းမှာ စေတီနှင့်ဘုရားများ တည်ထားပါသည်။
အထင်ကရနေရာကတော့ ကျောက်ဆင်ရုပ်ကြီးပါ
ကျောက်ဆင်ရုပ်ကြီးဟာ ကျောက်တုံးအကြီးကြီးကို ထွင်းထုထားပြီး ဆင်ကြီးရဲ့အတွင်းဂူထဲမှာတော့ ဘုရားများကို ပူဇော်ထားပါတယ်။
မုံရွာတစ်ဘက်ကမ်း
ဆားလင်းကြီးမြို့နယ်၊ ယင်းမာပင်ခရိုင်၊ စစ်ကိုင်းတိုင်းဒေသကြီးကို ရောက်ဖြစ်ခဲ့ရင် ရွှေဘတောင်ကိုဝင်ပြီးမြန်မာ ဗိသုကာ လက်ရာများကိုဝင်ရောက်လေ့လာစေချင်ပါတယ် ခင်ဗျ
#သွားမယ်&တည်းမယ်

imageimage
+13