ကျနော် နဲ့ ခင်မင်တဲ့ လူငယ် တွေကို အမြဲ သတိပေးတယ်
ပါးစပ်စည်းကမ်း ရှိပါလို့
လုပ်ငန်းခွင် မှာ ပြသနာ တက်ပြီဆိုရင် ပါးစပ် စည်းကမ်း မရှိလို့ က စတာပဲ
သူများမကောင်းကြောင်း ကို ရှေ့မှာလည်း မပြောနဲ့ ကွယ်ရာမှာ လည်း မပြောနဲ့ ဒေါသ နဲ့လည်း စကားမပြောပါ နဲ့ လို့ အမြဲ သတိပေးတယ်
ကျနော် ငယ်စဉ် လုပ်ငန်းခွင် မှာ ပါးစပ် စည်းကမ်းမရှိခဲ့လို့ အခွင့်အရေးများစွာ ဆုံးရှုံး ခဲ့ဖူးတယ် - မျက်စိထဲ အဆင်မပြေရင် နားထဲ အဆင်မပြေရင် ပြောလိုက်ရမှ ကျေနပ်တယ် ဒါကို ပြောရဲ ဆိုရဲ ရှိတယ် ဆိုပြီး တော့ လည်း ဂုဏ်ယူခဲ့တယ်
အမှန်တော့ ဒါက ပညာဉာဏ်မရှိ သတိမရှိတဲ့ သူတွေရဲ့ စရိုက်လက္ခာဏာ တွေပါပဲ
အချို့ ပညာအရည်အချင်းအားဖြင့် သိပ်မရှိလှဘူး လုပ်ငန်းမှာ စွမ်းဆောင်ရည်သိပ်မရှိဘူး သို့သော် အေးအေးချမ်းချမ်း နဲ့ အဆင်ပြေတယ် ဘာကြောင့်လည်းဆို ပါးစပ်စည်းကမ်း ရှိလို့
မကြာသေးမီအချိန်က ကျနော့် Unit ထဲကို ဝန်ထမ်းတစ်ယောက် အသစ်ရောက်လာတယ် လူငယ်တစ်ယောက်ပါ ဘာလူမျိုးလည်းတော့မသိဘူး
သူ့ရဲ့ အဓိကအရည်အချင်းက ဘယ်သူ့ကိုမှ အရိပ်အယောင် အားဖြင့်တောင် အပြစ်တင်စကား မဆိုဘူး သူများ ကွန်ပြူတာ Screen ကို မကြည့်ဘူး သူ့ကိုပြောလိုက်တဲ့ စကားကို သေချာနားထောင်ပြီး အပြုသဘောဆောင်တဲ့ စကားကို ပြန်ပြောတတ်တယ်
သူက အလုပ်ထဲရောက်တာ မကြာသေးခင်အချိန်မှာပဲ အခြားဌာန က ပရိုမိုးရှင်းနဲ့ ခေါ်လို့ ပြောင်းသွားတယ် သူက ပညာ လည်းတတ်တယ်
သူ ကျနော်တို့ အလုပ်ကနေ ပြောင်း သွားတော့ သူ့ရဲ့ လုပ်ရည်ကိုင်ရည် တွေ ကို ကျန်ခဲ့တဲ့ ဝန်ထမ်းတွေက ပြောစမှတ်ပြုရတဲ့ အထိ ဖြစ်ခဲ့တယ် အဓိကကတော့ သူ့မှာ ပါးစပ်စည်းကမ်း ရှိလို့ပါ
လူငယ်တစ်ယောက် ကြိုးစားပြီး အရည်အချင်းရှိလာရင် မာန က မသိမသာ ကပ်ပါလာတတ်တယ် ပါလာတဲ့ အဲ့ဒီမာန ကြောင့် ပါးစပ် စည်းကမ်း မထားတော့ပဲ နှုတ်လန်ထိုး ပြောဆိုတတ်လာတယ်
သူများအကြောင်း မဖြစ်မနေ ပြောရမယ်ဆိုရင် ကောင်းတဲ့ အကြောင်းကိုသာ ရွေးပြောရပါတယ် မကောင်းတဲ့ အကြောင်းကို မပြောမိအောင် အထူးသတိပြုရပါတယ်
ပညာတွေ ဘယ်လောက်တတ်ပါစေ လုပ်ငန်း အတွေ့အကြံု ဘယ်လောက်များပါစေ ပါးစပ်စည်းကမ်း မရှိသူက လုပ်ငန်းမှာ မအောင်မြင်နိုင်ပါဘူး
သတိ တစ်ခါလွတိပြီး ပါးစပ် စည်းကမ်းမရှိ တစ်ခါ ပြောမိရင် ဆက်တိုက်ပြောလေ့ရှိတယ်
ပါးစပ်စည်းကမ်း မရှိသူက ရန်လည်းများတတ်တယ်
ပါးစပ်စည်းကမ်း ရှိပြီး တည်တည်ကြည်ကြည် နဲ့ ပြောဆိုတတိသူကို အထက်လူကြီး ကလည်း လေးစားပါတယ်
လုပ်ငန်းခွင်မှာ အဆင်ပြေ ပြီး အောင်မြင်မှု့တွေ ရအောင် ပါးစပ်စည်းကမ်း ရှိပါလို့
