ကြောက်ခြင်း ၏ အခြားမဲ့၌
အိုမှာကြောက်တယ်
ရောဂါတွေတခုပီးတခုတိုးလာမှာကြောက်တယ်
ဆင်းဆင်းရဲရဲနေရမှာ ကြောက်တယ်
တခုခုဆို ပိုက်ဆံမရှိမှာ ကြောက်တယ်
အထီးကျန်ဘဝကိုကုန်ဆုံးရမှာကြောက်တယ်
ခေါ်မယ့်ပြောမယ့်သူမရှိမှာကြောက်တယ်
လူတကာအထင်အမြင်အသေးခံရမှာကြောက်တယ်
ပညာမတတ်မှာကြောက်တယ်
ရာထူးမကြီးမှာကြောက်တယ်
အာဏာမရှိမှာကြောက်တယ်
အာဏာရှိပီးသားသူဆို အာဏာကို
လက်လွတ်ရမှာကြောက်တယ်
အလုပ်မရှိမှာကြောက်တယ်
အလုပ်ပြုတ်မှာကြောက်တယ်
ကြောက်ခြင်းအကြောင်း ထိုင်ရေးရရင်
စာအရှည်ကြီး ဖြစ်သွားမယ်
အဒီ ကြောက်ခြင်းတွေအားလုံးကို
အကြွင်းမဲ့ ပယ်သတ်နိုင်တာက
သစ္စာသိတဲ့ဥာဏ်ပဲ ။
ဆင်းရဲနေလည်း
လွတ်မြောက်တဲ့ဥာဏ်က ချမ်းသာနေတာ
ရောဂါဘယတွေဖိစီးနေလည်း
လွတ်မြောက်တဲ့ဥာဏ်က ချမ်းသာနေတာ
တယောက်ထဲ ဘဝကို ဒုက္ခကြီးစွာ
ဖြတ်သန်းနေရလည်း
လွတ်မြောက်တဲ့ဥာဏ်က ချမ်းသာနေတာ
အဲဒီ ချမ်းသာမှုမျိုးကို
မိုးကုတ်ဆရာတော်ကြီး
မုံလည်ဆရာတော်ကြီးတို့ရဲ့
နောက်ဆုံးနေ့ရက်တွေကို
လေ့လာကြည့်ခြင်းအားဖြင့် အနဲအကျဥ်းတော့
နားလည်ကြမယ်လို့မျော်လင့်မိ
သူတို့က အရိယာတွေပဲ ဝေဒနာတွေကိုသည်းခံနိုင်သွားပီလို့ထင်နေတာ မှားတယ် ။
ကိုယ်ခန္ဓာရလာတဲ့အခါ
လက်ထိပ်ကို သံနဲ့ရိုက်ရင်တော့
နာကျင်တယ်ဆိုတဲ့အသိက ရမှာပဲ ။
အဒါကို မနာပဲသည်းခံနိုင်တာ လွတ်မြောက်တာမဟုတ်ဘူး ။ သည်းခံနိုင်လောက်အောင် သမာဓိကောင်းနေတာမျိုးပဲ ဖြစ်ရင်ဖြစ်မယ် ။
လွတ်မြောက်မှုဆိုတာ
ခန္ဓာရှိနေတဲ့အတွက် အိုတာ နာတာ ရောဂါဖိစီးတာ
ဆင်းရဲတာ ဒုက္ခရောက်တာတွေ အကုန်ရှိမယ်
ခန္ဓာရှိလို့ကို အဒါတွေရှိနေတာ
အဒါတွေရှိနေရဲ့သားနဲ့ အဒီဒုက္ခတွေ
ခံစားနေရရင်းနဲ့ကိုပဲ ဥာဏ်က လွတ်မြောက်နေတာ
ဒီအိုတာ နာတာ ရောဂါဖြစ်တာတွေကို
ကြောက်ပီး ကျနော်တို့ ဘယ်ကိုပြေးမလဲ
ကျနော်တို့အတွက်ပြေးစရာမရှိဘူး ။
သူ့ရဲ့သဘောသဘာဝကို
သေချာနားလည်သွားရင်
သူ့ဘာသူ အိုချင်လည်းအို နာချင်လည်းနာ
HIV မကလို့ အသည်းကင်ဆာဖြစ်ဖြစ်
သွေးကင်ဆာဖြစ်ဖြစ် အော်ချင်လည်းအော်
သဘောသဘာဝကိုနားလည်ပီး
လွတ်မြောက်တဲ့ဥာဏ်နဲ့
ရုပ်ခန္ဓာ နာမ်ခန္ဓာက ဖြစ်ပျက်နေတာတွေနဲ့
မတူညီတဲ့ အနေအထား ၂ခုဆိုတာ
နားလည်သွားကြမယ် ။
မနက်ဖြန်သေမလား
နောက်အနှစ် ၃၀ မှသေမလား
နောက် ၅နှစ်နေရင်
ကုလို့မရတဲ့ရောဂါတခုဖြစ်လာမလား
အဲဒီသူအတွက် ဘယ်အရာကမှ စိတ်ဖိစီးစရာမဟုတ်တော့ဘူး ။
ဝေဒနါတေသက်သာသွားတာ
ရောဂါတွေပျောက်သွားတာ
ခံစားနေရတာတွေ အေးငြိမ်းကုန်တာမဟုတ်ဘူး
ခန္ဓာရှိသ၍ အဒါတွေအကုန်တခုမှမပျောက်ဘူး
သမထ အကျင့်နဲ့ ရှုမှတ်ထားတဲ့ သမာဓိအရှိန်တခုခုရှိခဲ့ရင်တော့ မော်ဖိန်းကျွေးသလို ခဏတာ သက်သာကောင်းသာမယ် ဒါမဲ့ အရင်းအမြစ်က
အားကောင်းမောင်းသန်ရှိနေအူးမှာပဲ ။
သဘာဝရဲ့ ဖြစ်ပျက်အကြောင်းအရင်းမှန်ကို
နားလည် လက်ခံ လွတ်မြောက်တဲ့
ဝိမုတ္တိဥာဏ်မျိုး မျက်မှောက်ပြုသွားတဲ့အတွက်
ဝေဒနါရဲ့ သဘောက သဘာဝ
ငါက ကြားဝင်တာ အတ္တ
အိုခြင်းရဲ့သဘောက သဘာဝ
ငါကကြားဝင်တာ အတ္တ
ရောဂါရဲ့သဘောက သဘာဝ
ငါကကြားဝင်တာ အတ္တဆိုတာ
အကုန်ရှင်းလင်းပီး နားလည်သွားတာ...
ပြုပြင်ပြောင်းလဲယူချင်တာက အတ္တ
သဘာဝကတော့ သူ့သဘောသူဆောင်နေမှာ...