Every Day Is A New Day
မနက်ထတိုင်း ဒီနေ့က နေ့သစ်ပဲ ။ မနေ့က အရက်မူးလို့ အဆင်မပြေတာ ဖြစ်ကောင်းဖြစ်ခဲ့မယ် ။ ဒါမှမဟုတ် Exchange Rate ကြီးကြီးနဲ့မို့ စောစောက မလဲခဲ့လိုက်မိလေခြင်း ဒီလိုခံစားရကောင်း ခံစားရမယ် ။ ပြဿနာတွေနဲ့ ညအိပ်ရာဝင်ခဲ့ရတာမျိုး ဖြစ်ရင်ဖြစ်မယ် ။ ဘယ်လိုပဲဖြစ်ဖြစ် မနက်မိုးလင်းလာရင် ဒါက နောက်တစ်နေ့ပဲ ။ ညအိပ်စက် အနားယူတာက ကိုယ့်ကိုယ်ကိုယ် Reset လုပ်တာပဲ ။ Every Day is a brand new day ပဲဖြစ်တယ် ။
ကိုယ့်ရဲ့ဘဝအဓိပ္ပာယ်ဖွင့်ဆိုချက်က ဘာလဲ ။ တချို့တွေက ဘဝဆိုတာ တိုက်ပွဲတဲ့ ။ တချို့ကျတော့ ဘဝဆိုတာ ဒုက္ခ တဲ့ ။ တချို့ကျ ဘဝဆိုတာ ရထားလိုပဲတဲ့ ။ တချို့ကျတော့လည်း ဘဝဆို တာ ရေပွက်ပမာတဲ့ ။
လက်ရှိ ကျွန်တော်သဘောကျနေတဲ့ ဘဝကိုမြင်တဲ့ အမြင်က ဘဝဆိုတာ စမ်းသပ်မှု တစ်ခုပဲ ။ ဘဝက ကိုယ့်ကိုပြဿနာ တစ်ခုပြီးတစ်ခု ပေးမယ် ။ ကိုယ် ဘယ် Level ရောက်နိုင်လဲ စမ်းသပ်မယ် ။ ကိုယ်က ပြဿနာဖြေရှင်းနိုင်လေ Level မြင့်လေပဲ ။
ပြဿနာဆိုတဲ့နေရာမှာ ကျန်းမာရေး၊ လူမှုရေး၊ စီးပွားရေး၊ အိမ်ထောင်ရေး၊ ငွေရေးကြေးရေး၊ အလုပ်အကိုင်၊ စိတ်ငြိမ်းချမ်းမှု အစရှိတာတွေပါတယ် ။ တချို့အပိုင်းတွေမှာ ကိုယ့်စမ်းသပ်မှုအောင်မြင်ချင် အောင်မြင်မယ် ။ တချို့အပိုင်းတွေမှာ အောင်မြင်ချင်မှအောင်မြင်မယ် ။ ဘယ်လိုပဲဖြစ်ဖြစ် စမ်းသပ်မှုတွေကနေ သင်ခန်းစာယူ ရှေ့ဆက်လို့ရ တယ် ။ ကြုံနေတဲ့ပြဿနာကို ရှောင်ဖယ်ပြေးလို့မရဘူး ။ နဖူးတွေ့ဒူးတွေ့ ရင်ဆိုင်ပြီး နောက်တစ်ဆင့်တက်အောင်လုပ်ရမှာ ကိုယ့်တာဝန်ပဲ မဟုတ်လား ။ ဘဝဆိုတာ စမ်းသပ်မှုတစ်ခုပဲ ။ တချို့စမ်းသပ်မှုတွေ မအောင်မြင်ဘူး ။ ဒါသဘာဝပဲ ။ သင်ခန်းစာယူ ရှေ့ဆက်ရင် တစ်ချိန် အောင်မြင်သွားမှာပဲ ။