Meta စမတ်မျက်မှန်တွေ Live Translate ရပြီ
Ray Ban Meta စမတ်မျက်မှန်မှာ တော်တော်မိုက်တဲ့ feature တစ်ခု ပါလာပါတယ်။
အဲ့ဒါက တိုက်ရိုက်ဘာသာပြန်တဲ့ live translation စနစ်ပါ။ အရင် beta မှာတုန်းက လူအကန့်အသတ်နဲ့ ချပေးထားတဲ့ feature ကို လူတိုင်းသုံးနိုင်အောင် ဖြန့်ချိလိုက်တာ ဖြစ်ပြီး လောလောဆယ်တော့ အင်္ဂလိပ် ၊ ပြင်သစ် ၊ အီတလီ နဲ့ စပိန်ဆိုပြီး ဘာသာစကား ၄ မျိုး support ပေးထားပါတယ်။
Live Translate ဆိုတဲ့အတိုင်း တစ်ယောက်နဲ့တစ်ယောက် စကားပြောနေတုန်း တောက်လျှောက် real-time စကားပြန်ပေးနေမှာပါ။ language pack တွေ ကြိုပြီး ဒေါင်းလုပ်ဆွဲထားရင် Live Translate ကို အင်တာနက်မရှိဘဲလည်း သုံးနိုင်ပါတယ်။
သုံးရတာလည်း လွယ်ပါတယ်။ Hey Meta, Start live Translation လို့ ပြောထားတာနဲ့ တခြားသူ ပြောတာကို မျက်မှန်ကနေ ကိုယ်နားလည်တဲ့စကားနဲ့ ဘာသာပြန်ပေးမှာပါ။ ကိုယ်ပြန်ပြောတာကိုလည်း တစ်ဖက်လူက ကိုယ့်ဖုန်း screen ကနေ ကြည့်နိုင်ပါတယ်။
နောက်ပိုင်းတော့ မျက်မှန်မှာပါတဲ့ ကင်မရာကနေ ဘေးဝန်းကျင် မြင်ကွင်းတွေကို ကြည့်နိုင်မယ့် live AI features လည်း ထပ်ပါဖို့ ရှိပါတယ်။ လမ်းလျှောက်ရင်း ၊ ဈေးဝယ်ရင်း ၊ ဟင်းချက်ရင်း မျက်မှန်နဲ့ စကားပြောနိုင် ၊ အကြံဉာဏ်တောင်းနိုင်တာတွေလည်း လာတော့မှာပါ။
ကနေဒါနဲ့ အမေရိကန်မှာတောင် Live AI feature တွေ ရနေပြီလို့ ဆိုပါတယ်။ နောက်ပိုင်းတော့ တခြားဈေးကွက်တွေမှာ တခြားဘာသာစကားသစ်တွေနဲ့ပါ ထပ်ရလာနိုင်ပါတယ်။