ပြန်လည် ကူးယူမျှဝေပါသည်
ခြေဖနောင့်ကွဲနာပျောက်ဖို့
~~~~~~~~~~
ကိုကံမြင့်တစ်ယောက် ခြေဖနောင့်နာနေလို့ လမ်းကောင်းကောင်းမလျှောက်နိုင်ဖြစ်နေတယ်။
အလှူပွဲ၊ ထိမ်းမြားမင်္ဂလာပွဲ၊ နာရေးကိစ္စ ဘယ်မှမသွားနိုင်။ ဇနီးနှင့်သားသမီးတွေကိုသာ လွှတ်နေရတယ်။
ကျနော်နဲ့တွေ့ပြီ့း သူကဆေးနည်းတောင်းတယ်။
ခုတော့ ကျနော်ပေးတဲ့ဆေးနည်းနဲ့ သက်သာသွားတယ်တဲ့။
ဆေးနည်းပေးခ ငွေတစ်ပြားမှမရပေမယ့် ပီတိဖြစ်ရတာကတော့ အမှန်ပါ။
.... .... ... .... ...
ကျနော်က ဆေးတွေပေးတတ်ပါတယ်။ အမှန်ပြောရ ထိုးဆေး၊စားဆေးတွေနဲ့ ရမ်းကုလုပ်မယ်ဆိုရင်တောင်
လုပ်တတ်တယ်။
ဗန်းမောက်ရွှေမှော်၊ တနိုင်းရွှေမှော်များတွင်နေခဲ့စဉ်က လောပန်းများခိုင်းစေချက်အရ(အလုပ်လည်းသက်သာလို့) ဒေါက်တာရမ်းကုအဖြစ်
ခပ်တည်တည်ကြီးလုပ်နေခဲ့ဖူးပါသေးတယ်။😁😁😁😁
မည်သို့ဆိုစေ ဒီလိုလုပ်နိုင်တာဟာ စာဖတ်တဲ့အကျိုးကြောင့်ပါ။
ခုပြောပြတဲ့ ခြေဖဝါးနာပျောက်ဆေးကလည်း စာဖတ်ရင်းရလာတဲ့ဗဟုသုတပါ ။
စာမဖတ်၊ ဗဟုသုတမရှာခဲ့ရင် ခုလိုကူညီနိုင်မှာမဟုတ်။
....
ကိုကံမြင့်လိုခြေဖဝါးကွဲပြီး သွားလာရေးခက်ခဲလို့ စိတ်ဆင်းရဲနေရသူများအတွက်လည်း ဒီနည်းလေးလုပ်ကြည့်ကြပါ။ ကံကောင်းရင်တော့ပျောက်နိုင်ပါတယ်။
မပျောက်ရင်လည်း ဘေးမဖြစ်နိုင်လို့ စိတ်ချသုံးနိုင်ပါတယ်။
ဆေးနည်းများ-
ဆေးနည်း(၁)
ဇွန်ပန်းရွက်(ဇွန်ပန်းက စံပယ်နဲ့မျိုးရင်းတူတယ်)ကို
ညှက်ညှက်ကြိတ်ပြီး ကွဲအက်ရာထဲသိပ်ပေးပါ ။
စိတ်ရှည်ရှည်လုပ်ပါ။ ဆယ်ရက်ခန့်နဲ့သက်သာနိုင်ပါတယ်။
ဆေးနည်း(၂)
ညအိပ်ယာဝင်ခါနီးတွင် ခြေထောက်အား ရေစင်အောင်ဆေးပါ။ ဒူးခေါင်းမှစ၍ ကြာကြာလေးလောင်းဆေးပေးသင့်သည်။
ထို့နောက် ရေစင်အောင်သုတ်ပါ။
ကွမ်းရွက်စိုတစ်ရွက်ကို မကျည်းမှည့်အနှစ်အနည်းငယ်နဲ့ရောကြိတ်။
ကွဲနေတဲ့အရာထဲထည့်သိပ်လိမ်းပေးပါ ။ဤကဲ့သို့ ညစဉ် လုပ်ပေးပါက တစ်ပတ်အတွင်းတွင် သက်သာပျောက်ကင်းနိုင်ကြောင်း သိရပါသည်။ ။
ဆေနည်း(၃)
ငှက်ပျောသီးမှည့်ကို အခွံပါပါအောင်ပြုတ်၍ နေ့စဉ်စားသုံးပေးခြင်း၊ ငှက်ပျောခွံအတွင်းသားဖြင့် ကွဲအက်ရာထဲသို့ ပွတ်လိမ်းပေးခြင်းတို့ဖြင့်လည်း ခြေဖနောင့်ကွဲအက်ဒဏ်ရာအား တစ်ဖြည်းဖြည်းပျောက်ကင်းသက်သာစေနိုင်သေးသည်ဟု ဆို၏။
အထက်ပါဆေးနည်းများသုံးစွဲနေစဉ်အတွင်း နေ့စဉ် ခြေဖဝါးအား ရေနွေးစိမ်ကာ၊ ပွထနေသောဆဲလ်သေများကို တိုက်ချွတ်ဖယ်ရှားပေးပါက ၊ နာကျင်မှုကိုသက်သာစေပြီး လမ်းလျှောက်ရလည်းအဆင်ပြေစေပါလိမ့်မည်။ ။
"ဘေးဘယာ ဝေးကွာကြပါစေ"
Credit.
