နွေရာသီရဲ့အပူဒဏ်ကိုဘယ်လိုကာကွယ်ကြမလဲ
အခုလိုပူပြင်းတဲ့နွေရာသီကိုရောက်လာရင် အပူဒဏ်ကြောင့်များစွာစိတ်ညစ်ရပါတယ်။အပြင်သွားခါနီး အဝတ်အစားဝတ်တာကအစ အိမ်မှာနေတာအဆုံး ချွေးထွက်များရင်စိတ်အတော်ကိုညစ်ရတာပါ။ဒါကြောင့်ဘယ်လို နည်းလမ်းလေးတွေနဲ့ကာကွယ်ရမလဲ ဆိုတာကိုဖော်ပြပေးလိုက်ပါတယ်။
၁။ ရေများများသောက်ပါ
အဓီကအရေးကြီးဆုံးအချက်တစ်ခုဟာရေများများသောက်ဖို့ပါပဲ။ရေသောက်များလို့အကျိုးမဲ့စေတာမရှိပါဘူး ကုန်ဆုံးသွားတဲ့ချွေးဓာတ်တွေကြောင့် ရေကိုမဖြစ်မနေကိုသောက်သုံးပေးဖို့လိုအပ်ပါတယ်။
• ရေဓာတ်ခမ်းခြောက်ခြင်း (Dehydration) မဖြစ်အောင် တစ်နေ့ကို အနည်းဆုံး ၂-၃ လီတာ ရေသောက်ပါ။
• အချိုရည်နဲ့ ကဖင်းဓာတ်များတဲ့ အအေးတွေထက် သန့်ရှင်းသောရေ၊ သစ်သီးဖျော်ရည် (ဥပမာ သံပုရာရည်,ရာသီပေါ်သီးနှံတွေနဲ့ဖျော်ထားတဲ့ဖျော်ရည်) ကို ပိုသောက်ပါ။
၂။ သင့်တော်သော ပွပွယောင်းယောင်းအဝတ်အစားများဝတ်ပါ
• ပွပွချောင်ချောင်၊ဒါမှမဟုတ် အဖြူရောင် (သို့) အရောင်ဖျော့ဖျော့ အဝတ်တွေက နွေရာသီအတွက် သင့်တော်ပါတယ်။အပူစုပ်တဲ့ အရောင်တောက်တောက်တွေ၊အမဲရောင်၊ကျပ်လွန်းတဲ့အဝတ်အစားတွေကိုရှောင်ရပါမယ်
• ချည်သား၊ လီနင်သား လို လေဝင်လေထွက်ကောင်းတဲ့ အထည်တွေကို ရွေးချယ်ဝတ်ဆင်ပါ။
၃။ အေးမြသော အစားအစာများစားပါ
• သခွားသီး၊ ဖရဲသီး၊ သံပုရာသီး သ ေင်္ဘာသီး ရေဓာတ်ပြည့်ဝတဲ့ အသီးအနှံတွေ စားပေးရပါမယ်။
• အပူအစပ်နဲ့ အဆီများတဲ့ အစားအစာတွေ ဥပမာ- ခေါက်ဆွဲအစပ်တွေ၊ငရုပ်သီးနဲ့လုပ်ထားတဲ့အစားစားတွေ ကို ရှောင်ပါ။
၄။ အပူဒဏ်ကို ရှောင်ပါ
• နေ့လည် ၁၁:၀၀ မှ ၄:၀၀ အထိ နေပူထဲ အလုပ်လုပ်ခြင်း၊ လမ်းလျှောက်ခြင်းကို တတ်နိုင်သမျှ ရှောင်ပါ။ ခရမ်းလွန်ရောင်ခြည် (UV) ကာကွယ်သည့် နေကာမျက်မှန်၊ ဦးထုပ်နဲ့ အဝတ်အစားတွေ ဝတ်ဆင်ပါ။ အေးမြတဲ့အရိပ်ရှိတဲ့အပင်အောက် ဒါမှမဟုတ် အရိပ်ကောင်းကောင်းရတဲ့နေရာအောက်မှာ အလုပ်လုပ်ပါ
• အပြင်သွားရင် ထီး၊ ဦးထုပ် ဆောင်းပါ။ SPF 30+ ပါဝင်တဲ့ ဒါမှမဟုတ် အဲ့ထက်မြင့်တဲ့ နေလောင်ကာခရင်မ် (Sunscreen) ကို အသုံးပြုပါ။ မဖြစ်မနေအပြင်ထွက်ရင်လိုအပ်တဲ့အကာကွယ်တွေဆောင်သွားပါ။
၅။ အိမ်/အခန်းကို အေးမြအောင်ထားပါ
• မနက်ခင်း/ညနေ လေအေးပေးစက်ဖွင့်ပါ မရှိရင် ပြတင်းပေါက်ဖွင့်ပြီး လေဝင်လေထွက်ကောင်းအောင်လုပ်ပါ။မနက်ပိုင်းမှာရေဖြန်းထားပေးပါ။
• အခန်းအပူချိန် ၂၄-၂၆°C အတွင်း ထိန်းထားပါ။
• သင်ပင်တွေကဒီနေရာမှာအကျိုးပြုပါတယ် ဒါကြောင့် အပင်များများစိုက်ပါ။
နွေရာသီကို ကျန်းမာပျော်ရွှင်စွာ ဖြတ်သန်းနိုင်ကြပါစေ! ☀️💦
