ပေါ့ပေါ့ပါးပါးနဲ့ အပျင်းလည်းပြေ အိန္ဒိယအချစ်ဇာတ်ကားလေးကြည့်ချင်တဲ့မိတ်ဆွေတို့အတွက် 14Days Girlfriend Intloဆိုတဲ့ဇာတ်ကားလေးကို မိတ်ဆက်ပေးလိုက်ပါတယ်။
လူငယ်သဘာဝ Dating Appတစ်ခုကနေ သိလာတဲ့ ဟာရှာနဲ့ အဟာနာတို့ဟာ စကားပြောရင်းပြောရင်းနဲ့ အချင်းချင်းသံယောဇဉ်တွေတွယ်လာကြပါတယ်။ တစ်ရက်တော့ အဟာနာရဲ့ မိဘတွေဟာ ခရီးရှည်ထွက်စရာရှိတာမို့ အိမ်မှာမိဘတွေမရှိတုန်း ပါတီပွဲလုပ်ပါတော့တယ်။ အဲ့ပါတီကိုလည်း ဟာရှာကို လာဖို့ဖိတ်ထားပါတယ်
ဒီလိုနဲ့ အဲ့ညမှာပဲ အပျိုလူပျိုသဘာဝ ဟာရှာနဲ့ အဟာနာဟာ အတူနေမိသွားပါတယ်။ မနက်ရောက်တော့ ခရီးရှည်ထွက်သွားတဲ့ အဟာနာရဲ့မိဘတွေဟာ ရုတ်တရက်ကြီးအိမ်ပြန်ရောက်လာပါတယ်။ အဲ့လိုနဲ့ အဟာနာ့ရဲ့ အခန်းထဲမှာရှိနေတဲ့ ဟာရှာဟာ အပြင်ထွက်မရဖြစ်ပြီး အခန်းထဲမှာပဲ ပိတ်မိ နေပါတော့တယ်။ ကွန်ဒိုတိုက်ခန်းဖြစ်လို့ အိမ်တံခါးတစ်ခုတည်းနေပဲ အပြင်ထွက်လို့ရတာမလို့ ဟာရှာအတော်လေးတိုင်ပတ်နေပါတယ်။ ဒီအခန်းကျဉ်းကျဉ်းလေးထဲမှာ အဟာနာ့မိဘတွေတွေအောင် ဟာရှာနဲ့ အဟာနာ ဘယ်လိုရှောင်တိမ်းကြမလဲဆိုတာကို ရင်သပ်ရှုမောစွာနဲ့ပဲ ဒီကာလေးထဲမှာ ခံစားရမှာဖြစ်ပါတယ်။ ဒါ့အပြင် ကိုဗစ်ကာလကြီးဖြစ်တာမို့ အဟာနာတို့မိသာစုတစ်ခုလုံး ကွာရန်တင်းဝင်ဖို့ အကြောင်းဖန်လာပါတယ်။ အဟာနာတို့ ကွာရန်တင်းဝင် နေတဲ့ ၁၄ရက်လုံးမှာ အဟာနာရဲ့ အမေဟာ သူ့ရဲ့အိမ်ကိုစိတ်မချလို့ဆိုပြီး အပြင်ကနေပါ တံခါးကိုသော့ခတ်ထားခဲ့ပါသေးတယ်။ အဲ့လိုနဲ့ ဟာရှာဟာ အဟာနာ့ရဲ့အိမ်မှာ ၁၄ရက်လုံး နေဖို့ဖြစ်လာပါတော့တယ်။ အဲ့၁၄ရက်အတွင်းမှာ ဟာရှာ ဘယ်လို Surviveဖြစ်အောင်နေသွားမလဲဆိုတာကိုလည်း ဟာသလေးတွေနဲ့ ကြည့်ရှုရမှာပဲဖြစ်ပါတယ်။
ကိုဗစ်နဲ့တင်မပြီသေးဘဲ ကံအကြောင်းမလှစွာနဲ့ပဲ အဟာနာ့မှာ ကိုယ်ဝန်ရှိလာပြန်ပါတယ်။ ဒီကိုယ်ဝန်ကိစ္စကိုလည်း ဟာရှာနဲ့ အဟာနာတို့နှစ်ဦး ဘယ်လိုတိုင်ပင်ဖြေရှင်းသွားမလဲ၊ ဆုံးဖြတ်ချက် တွေချသွားမလဲဆိုတာကိုတော့ ဇာတ်ကားလေးထဲမှာပဲ အသေးစိတ်ကြည့်ရှုလိုက်ကြပါတော့နော်။
