ဖင်လန်နိုင်ငံရဲ့ ပညာရေးစနစ်ဟာ ကမ္ဘာပေါ်မှာ အကောင်းဆုံးစနစ်အဖြစ် မကြာခဏဖော်ပြခံရပြီး အထူးခြားဆုံးအချက်ကတော့ အခြားနိုင်ငံတွေလို ကျောင်းသားတွေကို ဖိအားတွေမပေးဘဲ ဒီအောင်မြင်မှုကိုရရှိခဲ့တာပါ။ ဖင်လန်ရဲ့ ပညာရေးချဉ်းကပ်မှုဟာ စာမေးပွဲစစ်ဆေးမှုတွေ၊ သင်ယူမှုတွေထက် ယုံကြည်မှု၊ ကျန်းမာရေး နဲ့ ညီမျှမှုကို အဓိကထားပါတယ်။
အထင်ရှားဆုံးသော အချက်တစ်ခုကတော့ စံသတ်မှတ်စာမေးပွဲများ မရှိတာပါ စာမေးပွဲတွေကို အလေးထားတဲ့နိုင်ငံတွေနဲ့မတူဘဲ ဖင်လန်ရဲ့စနစ်ဟာ ဆရာတွေရဲ့ အကဲဖြတ်မှုတွေနဲ့ ကျောင်းသားတွေကို စစ်ဆေးပါတယ်။ ဒါဟာ ဖိအားလျော့နည်းစေပြီး သင်ယူမှုကို ပိုပီးစိတ်ဝင်စားကာ ချစ်မြတ်နိုးစေပါတယ်။
ဒါ့အပြင် ဖင်လန်ကျောင်းသားတွေမှာ အိမ်စာနည်းပါးပါတယ် တခြားနိုင်ငံတွေမှာ ကလေးတွေဟာ အိမ်စာလုပ်ဖို့ သီးသန့်အချိန်ပေးရပါတယ် ဖင်လန်မှာတော့ ကလေးတွေဟာ အခြားလှုပ်ရှားမှုတွေ ဥပမာ ကစားခြင်း၊ မိသားစုနဲ့အချိန်ဖြုန်းခြင်းတို့အတွက် အချိန်လိုအပ်တယ်လို ယုံကြည်ထားကြပါတယ် ဒါတွေဟာ ကျောင်းသားတွေရဲ့စိတ်ရောကိုယ်ပါဖွံဖြိုးမှုအတွက် အရေးကြီးပါတယ်။
ဖင်လန်ရဲ့ ကျောင်းအချိန်ဇယားကို ကျောင်းသားတွေရဲ့ ဘဝတစ်ခုလုံး နဲ့ ညီမျှစေဖို့ ရေးဆွဲထားပါတယ်။ အတန်းတွေဟာ မနက် ၉ နာရီမှ ညနေ ၂ နာရီအထိသာ ရှိပြီး ကလေးတွေမှာ အနားယူခြင်း၊ ကစားခြင်း နဲ့ အပိုပညာရေးလှုပ်ရှားမှုတွေအတွက် အချိန်လုံလောက်စွာရှိပါတယ် ဒါဟာ သူတို့ရဲ့ကျန်းမာရေးနှင့် ပညာရေးအောင်မြင်မှုကို အထောက်အကူဖြစ်စေပါတယ်။
ဖင်လန်မှာ ကျောင်းဆရာ/မ တွေကို အလွန်အမြတ်တနိုးတန်ဖိုးထားကြပြီး ပညာရှင်အဆင့်တွေဖြစ်ကာ တခြားနိုင်ငံများနဲ့ယှဉ်ရင် အလုပ်ချိန်ပိုတိုပါတယ်။ သူတိုရဲ့လုပ်ခလစာဟာ ဆရာဝန်တွေနဲ့ တန်းတူရရှိကြပြီး ဒါဟာနိုင်ငံရဲ့ ပညာရေးတန်ဖိုးထားမှုကိုပြသနေပါတယ်။ ဆရာတွေအနေနဲ့ မဟာဘွဲ့ရရှိထားရမှာဖြစ်ပြီး အတန်းထဲမှာသာမက အတန်းပြင်ပတွေမှာပါ ထူးချွန်ထက်မြက်မှုရှိကြရပါမယ်
