#ယနေ့ထုတ်သတင်းစာ_နိုင်ငံတကာသတင်း
◼ သမ္မတဖြစ်ပြီး သုံးလအကြာတွင် ထရန့်အပေါ် လူထုထောက်ခံမှုနှုန်း ကျဆင်း
အမေရိကန်သမ္မတအဖြစ် ဒေါ်နယ်ထရန့် ကျမ်းသစ္စာကျိန်ဆိုပြီးနောက် ဧပြီ ၂ဝ ရက်တွင်သုံးလပြည့်မြောက်ချိန်၌ ၎င်းအပေါ် လူထုထောက်ခံမှုနှုန်းကျဆင်းသွားကြောင်း ထုတ်ပြန်ထားသည့် စစ်တမ်းများတွင် ဖော်ပြထားသည်။
၎င်း၏ မူဝါဒများသည် ပြည်တွင်းစီးပွားရေးအပေါ် အပျက်သဘောဆောင် သက်ရောက်လာမည်ကို စိုးရိမ်မှုများရှိနေသည်။ ထရန့်တက်လာပြီးနောက်ပိုင်း ကုန်သွယ်ရေးလိုငွေပြမှုကို လျှော့ချရန်နှင့် အခြားပြည်တွင်းပြဿနာများကို ဖြေရှင်းရန် ရည်ရွယ်သည့် အခွန်ကောက်ခံမှုများကို ဆက်တိုက် လုပ်ဆောင်ခဲ့သည်။
ထရန့်ရာထူးရယူပြီးနောက် ခုနစ်ရက်အကြာဇန်နဝါရီ၂၇ ရက်တွင်၎င်းအပေါ်လူထုထောက်ခံမှု ၅ဝ ဒသမ ၅ ရာခိုင်နှုန်းရှိခဲ့ပြီး ၄၄ ဒသမ ၃ ရာခိုင်နှုန်းက ထောက်ခံမှုမပြုကြောင်း စစ်တမ်းများတွင် ဖော်ပြထားသည်။
ယင်းနောက်တွင် ၎င်းအပေါ် လူထုထောက်ခံမှုကျဆင်းခဲ့ပြီး ဧပြီ ၁၈ ရက်ကနောက်ဆုံးထုတ်ပြန်ထားသည့်စစ်တမ်းတွင် ၎င်းအပေါ် လူထုထောက်ခံမှု ၄၆ ဒသမ ၅ ရာခိုင်နှုန်းရှိပြီး မထောက်ခံမှုမှာ ၅ဝ ဒသမ ၇ ရာခိုင်နှုန်းအထိရှိသည်။
အခြားသောစစ်တမ်းတစ်ရပ်တွင်လည်း ထရန့်အစိုးရ၏ အုပ်ချုပ်မှု၊ အကောက်ခွန်နှင့် အခြားသောအစီအမံများသည် အမေရိကန်စီးပွားရေးအပေါ်အကျိုးရှိမည်ဟု ယုံကြည်သူ ၂၂ ရာခိုင်နှုန်း သာရှိပြီး နိုင်ငံ့စီးပွားထိခိုက်မည်ဟုဖြေဆိုသူ ၇၂ ရာခိုင်နှုန်းက ယူဆကြောင်း ဖော်ပြထားသည်။
အင်န်အိတ်ချ်ကေ
