အိမ်လုပ် မာလာဟင်းချက်နည်း.......။ 🥗
ဆိုင်မှာ စားနေရသလို အရသာရှိလွန်လှတဲ့ Homemade လေး လုပ်စားကြည့်နော် 😋
ဟင်းသီးဟင်းရွက် အစုံ၊ ကြာစွယ်၊ မာလာခေါက်ဆွဲ၊ ကြွက်နားရွက်မှို၊ ပဲပြား အစုံအလင်ထည့်ထားပြီး မာလာဟင်း အနှစ်ကြောင့် စပ်စပ်လေးနဲ့ အနံ့ရော အရသာပါ ပြည့်စုံတဲ့ မာလာဟင်းလေးပါ။ ချက်ရတာလည်း လွယ်ကူပါတယ်။🍲
မာလာဟင်းအနှစ်ချက်ရန်ပါဝင်ပစ္စည်းများ.......
- မာလာဟင်းနှစ်ထုပ် ၁ ထုပ်
- ငရုတ်သီးမှုန့် လက်ဖက်ရည်ဇွန်း တစ်၀က်
မာလာဟင်းတွင် ပါဝင်ပစ္စည်းများ......
- ကြက်သားချောင်း ၂ ချောင်း (အစောင်းလှီးပါ)
- မာလာခေါက်ဆွဲ ၂ မျိုး (သို့) ၃ မျိုး ၅၀ ဂရမ်
(မာလာခေါက်ဆွဲ အဖြူ၊ အညှိ၊ အစိမ်း ဆိုပြီး ၃ မျိုးရှိတဲ့အထဲမှ မိမိကြိုက်နှစ်သက်ရာ ၂ မျိုးဖြစ်စေ၊ ၃ မျိုးလုံးဖြစ်စေ ထည့်နိုင်သည်)
ပြင်ဆင်နည်း........
၁။ အရင်ဆုံး မာလာခေါက်ဆွဲ ၃ မျိုးရှိသည့်အထဲမှ အစိမ်းရောင် ခေါက်ဆွဲကို ရေ (၁၀မိနစ်ခန့်) စိမ်လျှင် ရသည်။
၂။ ခေါက်ဆွဲ (အညှိ) နှင့် ခေါက်ဆွဲ (အဖြူ) ကို မာလာဟင်းထဲ ထည့်ရုံအနည်းငယ် သက်သက်စီ ခေါက်ဆွဲကျက်သည်အထိ ရေဖြင့် ပြုတ်ပေးပါ။
၃။ ပြီးနောက် ပြုတ်ပြီးလျှင် ပြန်အအေးခံပြီး ဇကာဖြင့် ပြန်ဆယ်ထားပေးပါ။
မာလာဟင်းချက်နည်း........
၁။ ဒယ်ထဲ ဆီ (စားပွဲတင်ဇွန်း ၃ ဇွန်း) ထည့်ပြီး ဆီပူလာလျှင် ကြက်သွန်ဖြူ၊ ကြက်သွန်နီ ဆီသပ်ပေးပါ။
၂။ ပြီးလျှင် ငရုတ်သီး အရောင်တင်မှုန့် ထည့်ပြီး မာလာဟင်းအနှစ်ထုပ် (၅ ပုံ ၄ ပုံ) ထည့်ပေးပြီး ရေ (၃ခွက်) ထည့်ပါ။
၃။ ထို့နောက် အရသာအတွက် (ငါးငံပြာရည်၊ ကြက်သားမှုန့်၊ သကြား) တို့ကို ထည့်ပြီး ဆူလာသည်အထိ တည်ထားပါ။
၄။ မာလာဟင်းရည် ဆူလာလျှင် ကြက်သားချောင်း၊ ငါးသားလုံး၊ မုန်လာဥနီ၊ ကြာစွယ် တို့ကို အရင်ထည့်ပြီး ၁မိနစ်ခန့် တည်ထားပါ။
၅။ ပြီးမှ အနူးလွယ်သော (ပဲပြား၊ ရွှေပဲသီး) တို့ကို ထည့်ပြီး ၁ မိနစ်ခန့် ထပ်တည်ထားပါ။
၆။ ပြီးနောက် ကန်စွန်းရွက်၊ မုန့်ညှင်းစိမ်း၊ ခေါက်ဆွဲ၊ မြေပဲထောင်း တို့ကို ထည့်ပြီး သမအောင် ရောမွှေလိုက်ပါ။
၇။ ရေအနည်းငယ်ကျန်ပြီး အရသာ အပေါ့အငံ အနေတော်
ပြီဆိုလျှင် အပေါ်မှ ကြက်သွန်မြိတ်၊ နှမ်းဆီ၊ နှမ်း တို့ကို ဖြူးပြီး မီးပိတ်လိုက်ပါ။
၈။ ဒါဆိုရင် မာလာဟင်း စပ်စပ်လေးကို အရသာရှိစွာ အသားကင်ဖြစ်စေ၊ ထမင်းဖြင့် ဖြစ်စေ တွဲဖက်စားသုံးနိုင်ပါပြီး 😋😋😋