တရုတ်က စက်ဘီးစီးနိုင်တဲ့ လူတူစက်ရုပ်ကို ပြသ
============================
တရုတ်မှ AgiBot စက်ရုပ် ကုမ္ပဏီက လူသားတွေနီးပါး လျှင်မြန်ဖြတ်လတ်တဲ့ Lingxi X2 လူတူစက်ရုပ်ကို ပြသလိုက်ပါတယ်။ စက်ရုပ်က လမ်းလျှောက်နိုင်၊ ပြေးနိုင်၊ ကနိုင်၊ စက်ဘီးစီးနိုင်ပြီး Hoverboard ပေါ်မှာတောင် ဟန်ချက်ညီစွာ စီးနိုင်ပါတယ်။
အရပ်အမြင့် ၁.၃ မီတာ (၄.၃ ပေ) ရှိပြီး အလေးချိန်က ၃၃.၈ ကီလိုဂရမ် (၇၄.၆ ပေါင်) ရှိပါတယ်။ အဆင့်မြင့် AI နည်းပညာ ထည့်သွင်းထားပါတယ်။
စက်ရုပ်က လူတွေရဲ့ မျက်နှာ အမူအယာနဲ့ အသံ Tone ကို ခွဲခြမ်းစိတ်ဖြာနိုင်ပြီး စိတ်ခံစားချက်တွေကို သိနိုင်ပါတယ်။ လူတွေနဲ့ ကောင်းမွန်စွာ ဆက်ဆံနိုင်ပါတယ်။
စက်ရုပ်က လူသားတွေကို နေ့စဉ်ဘဝတွေမှာ ကူညီပေးနိုင်ပြီး ဆေးစာဖတ်ပြတာကနေ အကြံဉာဏ်ပေးတာအထိ ပြုလုပ်နိုင်ပါတယ်။ ကိုယ်နေဟန်ထားနဲ့ လူသားတွေကို ဆက်သွယ်နိုင်ပါတယ်။
နေအိမ်မှာ သုံးနိုင်တဲ့အပြင် ကျန်းမာရေး၊ ပညာရေး၊ လုံခြုံရေးလို အလုပ်တွေမှာ တခြား စက်ရုပ်တွေနဲ့ ပူးပေါင်း အလုပ်လုပ်နိုင်ပါတယ်။
