#ပြည်တွင်းသတင်း
◼သာကေတတွင်ဖမ်းဆီးခံရသည့် ရွှေဆိုင်ဖွင့်ထားသူအမျိုးသမီးတစ်ဦးပြန်လွတ်လာဟုဆို
ရန်ကုန်တိုင်း၊ သာကေတမြို့နယ်၌ အမည်မသိလူတစ်စု၏ ဖမ်းဆီးခေါ်ဆောင်ခြင်းခံရသူ ရွှေဆိုင်ဖွင့် ထားသည့်မျိုးသမီးတစ်ဦး ယမန်နေ့(မတ် ၁၉ ရက်) နေ့လယ်ပိုင်းတွင် ပြန်လည်လွတ်မြောက်လာ ကြောင်း သာကေတမြို့နယ်တွင်နေထိုင်သူများထံမှသိရသည်။
“မနေ့ကပြန်လွတ်လာတယ်ကြားတယ်။ ပစ္စည်းတွေတော့ပါသွားတယ်။ လူတော့ဘာမှမဖြစ်ဘူးတဲ့။ အခုရဲတွေနဲ့ရှင်းနေတယ်” ဟု ထူပါရုံရပ်ကွက်နေပြည်သူတစ်ဦးကပြောသည်။
ဖမ်းဆီးခံရသူအမျိုးသမီးမှာ သာကေတမြို့နယ်၊ ထူပါရုံ (၂၂) လမ်းရှိနေအိမ်တွင် တစ်ဦးတည်းနေထိုင် သည့် ဒေါ်စန္ဒာလင်းဆိုသူဖြစ်ပြီး၊ ၎င်းသည် အမှတ်(၁) ဈေး၌ဖွင့်လှစ်ထားသည့် ရွှေဆိုင်သို့သွားရာလမ်း ၌ အမည်မသိလူတစ်စုက Alphard အဖြူရောင်ယာဉ်ဖြင့် မတ်လ ၁၈ ရက်၊ နံနက်ပိုင်းတွင် ဖမ်းဆီးခေါ်ဆောင်သွားခြင်းဖြစ်ကြောင်း ထူပါရုံရပ်ကွက်တွင်နေထိုင်သူများထံမှသိရသည်။
ယင်းအမျိုးသမီးအား အမည်မသိလူတစ်စုက ဖမ်းဆီးခေါ်ဆောင်သွားစဉ် ရွှေနှစ်ပိသာခန့်ပါသွား ကြောင်း သတင်းများထွက်ပေါ်နေပြီး စံတော်ချိန်ဒစ်ဂျစ်တယ်အနေဖြင့် သီးခြားအတည်ပြုနိုင်ခြင်း မရှိသေးပေ။
သတင်း - နေသစ်ဦး
ဓာတ်ပုံ - CJ
