သင်တန်းအများကြီးတက်ခဲ့ဖူးတယ်။ဒါပေမယ့်ဘယ်သင်တန်းမှပြီးမြောက်အောင်မတက်ဖူးခဲ့ဘူး။သင်တန်းတပိုင်းတစနဲ့ရပ်သွားခဲ့တာများတယ်။ဂျပန်ဘာသာဆရာဦးဋ္ဌေးအောင်ဆီမှာတက်ဖူးတယ်၊။ဒါပေမယ့်သင်တန်းပြီးအောင်မတက်ခဲ့ဘူး။ ဂျာမန်ဘာသာ UFL မှာညနေပိုင်းသင်တန်းတက်ခဲ့ဖူးတယ်။ဒါပေမယ့်ပြီးအောင်မတက်ခဲ့ဘူး။လူတိုင်းတက်တဲ့အင်္ဂလိပ်စာသင်တန်းတခါမှမတက်ခဲ့ဖူးဘူး။
အရေးတော်ပုံပြီးကာစ ၁၉၈၉ မှာ
ပုဂ္ဂလိကကုမ္ပဏီစပေါ်လာတယ်။ ဘကြီးကလက်နှိပ်စက်သင်တန်းတက်ခိုင်းလို့လက်နှိပ်စက်သင်တန်းပြီးအောင်တက်ဖူးခဲ့တယ်။တစ်လပဲကြာလို့။အဲ့ဒီတုံးကကမာရွတ်ကျားလက်နှိပ်စက်သင်တန်းကျောင်းနဲ့ သိမ်ဖြူလမ်း BSc. ကောလိပ်မှာလက်ရေးတိုလက်နှိပ်စက်သင်တန်းရှိခဲ့တယ်။
ကုမ္ပဏီကပန်းဆိုးတန်းမှာရှိလို့
မနက် ၉ နာရီရုံးမတက်ခင်သိမ်ဖြူလမ်းလက်နှိပ်စက်သင်တန်းမနက် ၇-၈ နာရီတက်ပြီးမှရုံးကိုပြေးရတယ်။အဲ့ဒီတုံးက ရုံးမှာကွန်ပြူတာမရှိသေးဘူး။Fax ကိုစစ်အစိုးရသုံးခွင့်မပြုဘူး။ခိုးသုံးရတာ။နိုင်ငံခြားစာပို့ချင်ရင်ပန်းဆိုးတန်းကြေးနန်းရုံးကတဆင့် Telex ပို့ရတယ်။အခုကလေးကစသုံးနေတဲ့ Email ကြားတောင်မကြားဖူးဘူး။Facebook, Viber အဝေးကြီး။
ကုမ္ပဏီအလတ်အကြီးကိုယ်ပိုင်
လက်နှိပ်စက်ရှိပြီးကုမ္ပဏီအသေးအပြင်လက်နှိပ်စက်ဆရာဆီစာရိုက်အလုပ်အပ်ကြတယ်။ကျနော်လုပ်တဲ့ကုမ္ပဏီမှာကိုယ်ရေးရမယ့်စာကိုယ်တိုင်စာကြမ်းရေး၊ကိုယ်တိုင်စာစီ၊ကိုယ်တိုင်စာရိုက်၊လူကြီးလက်မှတ်ထိုးပြီးသက်ဆိုင်ရာအစိုးရရုံးဆီသွားရတာ။အစိုးရရုံးလိုလက်နှိပ်စက်ဝန်ထမ်းသီးခြားမထားဘူး။
မိတ္တူကူးစက်မပေါ်သေးလို့စာရိုက်ရင်ကာဗွန်စက္ကူခံရိုက်ပြီးမိတ္တူချန်ထားရသေးတယ်။အခုခေတ်လူတယောက်ကွန်ပြူတာတစ်လုံးနဲ့ကိုယ့်အလုပ်စာကိုယ်တိုင်ရေး၊ကိုယ်တိုင်ပရင့်ထုတ်၊ကိုယ်တိုင်ဋ္ဌာနဆိုင်ရာသွားရသလိုပဲ။
မြို့ထဲ ၃၂ လမ်းကနေ ၃၆ လမ်းအထိလမ်းဘေးမှာလက်နှိပ်စက်ခုံတွေ့ရမယ်။ကုန်သွယ်ရေး၊အကောက်ခွန်ရုံး၊စုပေါင်းတရားရုံးနဲ့ဘားလမ်း(အောက်)အကုန်လက်နှိပ်စက်ဆိုင်တွေချည်းပဲ။ပန်းဆိုးတန်း၊ဗိုလ်အောင်ကျော် သင်္ဘောသား SECD ရုံးနဲ့နိုင်ငံကူးလက်မှတ်ရုံးတဝိုက်လက်နှိပ်စက်ဆိုင်အများဆုံးတွေ့ရတတ်တယ်။
လမ်းဘေးလက်နှိပ်စက်သမားတယောက်မှာစက္ကူဆိုက် ၃-၄ မျိုး ၊ ကာဗွန်စက္ကူ၊ဖျက်ဆေး၊တံဆိပ်ခေါင်း၊စာချုပ်စာအိပ်အဆင်သင့်ရှိတယ်။လက်နှိပ်စက်ဆရာကစာပို့ရမယ့်ဋ္ဌာနနဲ့ပတ်သက်ပြီးအထူးပြုရေးသားပုံရေးသားနည်းကို ကျွမ်းကျင်ကြတယ်။တံဆိပ်ခေါင်းကပ်ရမယ့်ကိစ္စဘယ်လောက်တန်ကပ်ရမလဲသူတို့တန်းသိတယ်။
အရေးတော်ပုံမဖြစ်ခင်ကအစိုးရဋ္ဌာနဆိုင်ရာသုံးလက်နှိပ်စက်က Olympia. Facit. Olivetti နဲ့ Remington တံဆိပ်လက်နှိပ်စက်များတယ်။အစိုးရကုန်သွယ်ရေးသွင်းတာ။စက်မှု(၁)မှာလုပ်ခဲ့တုံးကစတိုဌာနမှာတာဝန်ကျလို့လက်နိုပ်စက်နဲ့နီးစပ်တယ်။
ပုဂ္ဂလိကကုမ္ပဏီပေါ်လာတော့
လျှပ်စစ်လက်နှိပ်စက်စသုံးလာကြပြီ။လမ်းဘေးလက်နှိပ်စက်က Olympia တံဆိပ်များတယ်။ရိုးရိုးလက်နှိပ်စက်ကနေ Ball Type ခေါ်တဲ့လျှပ်စစ်လက်နှိပ်စက်သုံးလာကြတယ်။ Daisy Wheel ခေါ်တဲ့ လျှပ်စစ်လက်နှိပ်စက်မျိုးလည်းရှိသေးတယ်။ဘကြီးအကြံပေးလို့လက်နှိပ်စက်သင်တန်းပြီးအောင်တက်ခဲ့တဲ့အကျိုးကြောင့်ဒီနေ့ကွန်ပြူတာကိုမြန်မာ၊အင်္ဂလိပ်လက်ကွက်မှန်အောင်အလွတ်သုံးနိုင်တယ်။
ရန်ကုန်မှာ PC ကွန်ပြူတာ ၁၉၉၁ - ၉၂ ပေါ်လာပြီးလက်နှိပ်စက်သမိုင်းတခေတ်ပြီးဆုံးသွားတယ်။နေရာအချို့ကလုပ်ငန်းအသေးပဲလက်နိုပ်စက်သုံးတော့တယ်။အစိုးရရုံးလက်နိုပ်စက်သုံးနေကြတုံးပဲ။Google Image မှာတွေ့တဲ့ ၁၉၇၅ ခုနှစ်ကဓါတ်ပုံပါ။ရန်ကုန်မြို့ရုံးလုပ်ငန်းမှာအဓိကမင်းသားကြီးနေရာကပါဝင်အသုံးတော်ခံခဲ့တဲ့လမ်းဘေးလက်နှိပ်စက်လုပ်ငန်းတခု။
"English General Urgent Works and မြန်မာလက်နှိပ်စက်၊လက်ထပ်စာချူပ်၊ ကျမ်းကျိန်လွှာ၊ဂျင်နရယ်၊စပါယ်ရှယ်ပါဝါ
အမြန်ဆောင်ရွက်ပေးသည်"
Repost
လွင်ဦး(ရန်ကင်း)
#crd