ကမ္ဘာ့အမြင့်ဆုံး မြင်းစီးရုပ်တု
မွန်ဂိုလီးယားနိုင်ငံ၊ Tsonjin Boldog မှာ တည်ရှိတဲ့ ဂျင်ဂစ်ခန် မြင်းစီးရုပ်တုဟာ ကမ္ဘာပေါ်မှာ အမြင့်ဆုံးမြင်းစီးရုပ်တုဖြစ်ပြီး မွန်ဂိုလီးယားနိုင်ငံရဲ့ သမိုင်းဝင် အမှတ်အသားတစ်ခုလည်း ဖြစ်ပါတယ်။
ဒီရုပ်တုဟာ မွန်ဂိုအင်ပါယာကို တည်ထောင်ခဲ့တဲ့ ဂျင်ဂစ်ခန်ရဲ့ ဂုဏ်ကျက်သရေကို ဖော်ညွှန်းနေပါတယ်။
ရုပ်တုရဲ့ အမြင့် ၄၀ မီတာ (၁၃၀ ပေ) ရှိပြီး မြင်းစီးနေတဲ့ ဂျင်ဂစ်ခန်ရဲ့ ပုံရိပ်ကို ထုလုပ်ထားပါတယ်။
ပန်းပုဆရာ D. Erdenebileg နဲ့ ဗိသုကာပညာရှင် J. Enkhjargal တို့က ဒီဇိုင်းရေးဆွဲခဲ့ကြတာဖြစ်ပြီး Stainless steel နဲ့ ဖန်တီးထားတာဖြစ်ပါတယ်။
ရုပ်တုရဲ့ အောက်ခြေမှာတော့ ပြတိုက်တစ်ခုနဲ့ အမှတ်တရပစ္စည်းဆိုင်တွေ ရှိနေပါတယ်။
ရုပ်တုရဲ့ ခေါင်းပိုင်းကို လှေကားထစ်တွေနဲ့ တက်ရောက်နိုင်ပြီး၊ ပတ်ဝန်းကျင် ရှုခင်းတွေကို ကြည့်ရှုနိုင်ပါတယ်။
ဂျင်ဂစ်ခန် မြင်းစီးရုပ်တုကို ၂၀၀၈ ခုနှစ်မှာ တည်ဆောက်ခဲ့ပြီး၊ မွန်ဂိုအင်ပါယာရဲ့ ၈၀၀ ပြည့် နှစ်ပတ်လည် အထိမ်းအမှတ်အနေနဲ့ ဖွင့်လှစ်ခဲ့ပါတယ်။
ဒီရုပ်တုဟာ မွန်ဂိုလီးယားနိုင်ငံရဲ့ ခရီးသွားဆွဲဆောင်ရာ နေရာတစ်ခုဖြစ်ပြီး၊ နှစ်စဉ် ကမ္ဘာတဝှမ်းက ခရီးသွားဧည့်သည်တွေ အများအပြား လာရောက်လေ့လာကြပါတယ်။
ဂျင်ဂစ်ခန်ဟာ မွန်ဂိုအင်ပါယာကို တည်ထောင်ခဲ့တဲ့ စစ်ဘုရင်တစ်ဦးဖြစ်ပြီး၊ ၁၃ ရာစုမှာ အာရှတိုက်ရဲ့ အစိတ်အပိုင်းအများအပြားကို သိမ်းပိုက်ခဲ့ပါတယ်။ သူ့ရဲ့အင်ပါယာဟာ သမိုင်းတလျှောက် ဒုတိယဧရိယာအကြီးဆုံးအင်ပါယာဖြစ်ခဲ့ပြီး နယ်မြေတဆက်တည်း အကြီးဆုံးအင်ပါယာ အဖြစ် မှတ်တမ်းဝင်ခဲ့ပါတယ်။
#thutacity
#crd