ဒီနေ့ကတော့ အချစ်ရုပ်ရှင်လေး အလှည့်ပေါ့။ကပ်ပတိန် အမေရိကား သရုပ်ဆောင် Chris Evans ရယ် မင်းသမီး Alice Eve တို့
ပါ၀င်သရုပ်ဆောင်ထားတော့ သူတို့ကြည့်ရတာနဲ့တင် တန်နေပါပြီ။
ဇာတ်လမ်းက‌တော့ Nick ဆိုတဲ့ကောင်‌လေးက ရထားဘူတာမှာ ထရန်းပတ်မှုတ်ရင်း ပိုက်ဆံ‌ရှာနေတာပေါ့။ သူရှေ့မှာ ရေးကြီးသုတ်ပြာနဲ့
ပြေးသွားတဲ့ကောင်မ‌လေးတစ်ယောက် ဖုန်းချခဲ့တော့ Nick ကပြန်လိုက်ပေးတယ်။ ကောင်မလေးရဲ့ နာမည်ကတော့ Brooke တဲ့
ရထားလက်မှတ်ကိုကိုင်ရင်း ရထားမှီအောင် ပြေးသွားခဲ့ပေမယ့်လည်း ရထားကတော့ သူမလိုဘဲ ထွက်သွားခဲ့ပါပြီ။ Nick က ဖုန်းပေးပြီး
Brooke နဲ့ပြန်မတွေ့ရတော့ဘူး ထင်လိုက်ပေမယ့် ဘူတာရုံကအပြန်မှာ ရထားမမှီလိုက်တဲ့ Brooke ကို ထပ်တွေ့လိုက်ရပါတယ်။
သူတစ်ပါးအတွက် အစစအရာရာကို ကူညီချင်တဲ့ Nickက ဒုက္ခရောက်နေတဲ့ Brookeကို ကူညီပေးဖို့ဖြစ်လာပါတယ်။ ဒါပေမဲ့ Brooke က
Nick ထင်သလောက် မရိုးရှင်းနေပါဘူး။ လူတွေကို လွယ်လွယ်နဲ့မယုံတတ်တဲ့ Brooke က ကူညီပေးတဲ့ Nick ကိုလည်း လိမ်ပြောထားပါတယ်။
လူတိုင်းကို လွယ်လွယ် မယုံတတ်တဲ့ Brooke နှင့် လူတိုင်းကို ကူညီချင်တဲ့ Nick တို့နှစ်ယောက်ရဲ့ အချစ်ဇာတ်လမ်းလေးရဲ့အစပေါ့...
Brooke အိမ်ပြန်ရောက်ဖို့အရေး လုံးပန်းကြမယ့် သူတို့နှစ်ယောက်ရဲ့ နှစ်ပါးသွားကို ကြည့်ရှုရမှာဖြစ်ပါတယ်..
ရုပ်ရှင်ကတော့ IMDb မှာ 6.9ထိ ရရှိထားတော့ ကြည့်ရတာ တန်မယ့်ရုပ်ရှင်တစ်ခုဖြစ်ပါတယ်။ ပြီးတော့ ရုပ်ရှင်ထဲက Chris Evans ကဘဲ
ကိုယ်တိုင် ရိုက်ကူးတာမလို့ 2014 ကထွက်ရှိခဲ့တဲ့ "Before We Go "ကို ကြည့်ရှုခံစားဖို့ တိုက်တွန်းလိုက်ပါတယ်ခင်ဗျာ။