*ဟုတ်ကဲ့၊ မဟုတ်ဘူးဖြေမည့် မေးခွန်းများကိုရှောင်ရှားပါ
ဟုတ်ကဲ့၊ မဟုတ်ဘူး အဖြေထွက်မည့် မေးခွန်းများသည် စကားပြော ကောင်းသူများ၏ ရန်သူဖြစ်သည်။ ၎င်းတို့၏ သဘာဝ၌ကပင်လျှင် တစ် လုံး၊ နှစ်လုံးလောက်သာ ပြန်ဖြေဆိုနိုင်သည့် အခြေအနေရှိသည်။
“ဒီရာသီဥတုက အလွန်ဆိုးတာပဲ”
“နောက်ထပ် စီးပွားရေးကျဦးမယ်ထင်သလား”
“ရက်ဒ်စ်ကင်မှာ နောက်ထပ်မကောင်းတဲ့ နှစ်တစ်နှစ် ကြုံနိုင်သေး သလား”
၎င်းတို့အားလုံးသည် စကားစတင်ပြောဆိုရန် အကြောင်းအရာ ကောင်းများ ဖြစ်ကြသည်။ သို့သော် ထိုအကြောင်းအရာများကို ဟုတ်တယ်၊ မဟုတ်ဘူးဆိုသည့် အနေအထားမျိုး ဖြေလို့ရစေရန် မေးခွန်းမေးသဖြင့် ထိုအတိုင်း ဟုတ်တယ်၊ မဟုတ်ဘူးဆိုသည့် အဖြေမျိုးကိုသာရသည်။ အမေး က ဟုတ်တယ်၊ မဟုတ်ဘူး မေးခွန်းမျိုးကိုမေးသဖြင့် အဖြေကဟုတ်တယ်၊ မဟုတ်ဘူး အဖြေကိုရခြင်းဖြစ်သည်။ ဟုတ်တယ်၊ မဟုတ်ဘူး အဖြေရပြီး နောက် အကြောင်းအရာက ဆုံးသွားသည်။ စကားပြောစရာလည်း ဆုံးသွား ပြီ။
အကယ်၍ သင့်အနေဖြင့် ကျယ်ကျယ်ပြန့်ပြန့် ရှည်ရှည်ဝေးဝေး ဖြေမည့် အဖြေမျိုးဖြစ်ရန် ဆောင်ရွက်နိုင်မည်ဆိုလျှင် စကားမပြတ်တော့ ပေ။ ခြားနားချက်မှာ အောက်ပါအတိုင်းဖြစ်သည်။
“ကျွန်တော်တို့ တစ်နွေလုံးပူနေတာကို ထောက်ပြီးတော့ ကမ္ဘာကြီး ပူနေတဲ့ကိစ္စနဲ့ ပတ်သက်လို့ တစ်ခုခုရှိနေပုံရတယ်လို့တော့ ကျွန်တော်ထင် တယ်၊ ခင်ဗျားဘယ်လိုထင်သလဲ”
“ဒီနှစ်မှာ စတော့ဈေးကွက် အတက်အကျ ဖြစ်ပုံကိုကြည့်ပြီးတော့ ကျွန်တော်တို့ထင်သလို ကျွန်တော်တို့ စီးပွားရေးအဆောက်အအုံဟာ တည် ငြိမ်ပါ့မလား။ နောက်ထပ် စီးပွားရေးကျမယ့် အလားအလာတွေ ရှိနေမယ် လို့ထင်ပါသလား”
“ဝါရှင်တန်ရောက်ကတည်းက ကျွန်တော်ဟာ ရက်ဒ်စကင်အသင်းကို သဘောကျအားပေးခဲ့တယ်။ ဒါပေမဲ့ ကျွန်တော့်အထင်တော့ သူတို့ဟာပြန်ပြီးတော့ ဖွဲ့စည်းရဦးမယ်၊ သူတို့ရဲ့ပြိုင်ဘက်ကတော့ ကောင်းဘွိုင်အသင်း ပဲ။ ဒီနှစ် ရက်ဒ်စကင်အသင်းရဲ့ အခြေအနေ ဘယ်လိုရှိတယ်လို့ထင်ပါသလဲ”
သင်နှင့်စကားပြောနေသည့် သူသည် ထိုအခါ အဖြေတစ်လုံးနှစ်လုံး ဖြေရုံဖြင့် မပြီးတော့ပေ။ ဤဒုတိယအုပ်စုပါဝင်သည့် မေးခွန်း ၃ ခုသည် ပထမအုပ်စု၌ ပါဝင်သည့်မေးခွန်း ၃ ခုနှင့် အကြောင်းအရာတူ ဖြစ်သော် လည်း ပထမအုပ်စု၌ ပါဝင်သော မေးခွန်းများသည် ဟုတ်တယ်၊ မဟုတ်ဘူး ဟူသည့် အဖြေများကိုသာ ပေးစေနိုင်သည့် မေးခွန်းများဖြစ်သည်။ ဒုတိယ အုပ်စု၌ ပါဝင်သည့်မေးခွန်းများသည် ပို၍ကျယ်ပြန့်ရှည်လျားသော အဖြေ များကို ပေါ်ထွက်စေကာ အလိုအလျောက် အဆင်ပြေစကားပြောဆိုနိုင် စေသည်။
#ဆက်ရန်ရှိ
