မြင်းရိုင်းအုပ်ကြီးပြေးဝင်လာသလို
စာဖတ်သူရဲ့ အသိဉာဏ်ထဲ အုံနဲ့ကျင်းနဲ့
ဝင်ရောက်လာမဲ့ 90's ခေတ်အလွန်ရဲ့
ရုပ်ပုံလွှာတွေ ၊ စာရေးဆရာဖြတ်သန်းခဲ့တဲ့
လူငယ်ဘဝမှတ်ဉာဏ် အကန့်တွေကို
တကန့်ပြီးတကန့် မြင်နေရမယ်။
စာရေးဆရာနဲ့ပတ်သတ်ဆက်နွယ်
သိကျွမ်းခဲ့တဲ့
ရန်ကုန် တောနက်ကြီးမှာ ခိုလှုံကြတဲ့
သီချင်းရေးဆရာ / အဆိုတော် /
ကဗျာဆရာ / စာရေးဆရာကနေစလို့
အောက်ခြေဘဝတွေအကြောင်းရောပြွမ်း
နယ်မြို့လေးကရိုးသားမှုတွေ / လူတွေ
ဝါကျင့်ကျင့်မီးရောင်တွေ ၊ ဘုံဆိုင် ၊
မြို့ပြ ၊ မာရှီ ၊ စာအုပ်အဟောင်းတန်း ၊
ကလေးဘဝက ကျေးလက်နယ်မြို့လေး၊
ခေတ်ရဲ့ရိုက်ခတ်မှုတွေ နဲ့
လမ်းထိပ်အုပ်ခုံတွေ
လက်ဖက်ရည်ဆိုင်လေးဆီကနေ
ဘော်ဒါတွေ တစတစပျောက်သွားခဲ့ရတဲ့
သံဆူးကြိုးခွေတွေနဲ့
စစ်စိမ်းရောင်နေ့ရက်တွေ . . .
ဂရင်းဝှစ်တရုတ်တန်းနဲ့
နွေသစ်ကိုင်းတွေမှာထဲက
စာရေးဆရာရဲ့လေအလျင်ကို
ငြိတွယ်ခဲ့ရတော့ ဆရာလွင်မောင်မောင်ရဲ့
❛ သတိရခြင်းများတစိမ့်စိမ့် ❜
အက်ဆေးတပုဒ်စီတိုင်းက
တကြောင်းချင်းအရသာခံဖတ်ရင်း
တစိမ့်စိမ့် မျောစရာတွေပါပဲ ။ ။
