AI ပြိုင်ပွဲမှာ Apple ဘာလို့နောက်ကျနေခဲ့တာလဲ
တစ်ခုခုဆိုရင် အရင်ဆုံး၊ အဦးဆုံး ကျနော်တို့သုံးနေတဲ့ဖုန်းတွေကိုလည်း ဒီနေ့ဒီချိိန်မှာ ဒီလိုပုံစံတွေဖြစ်လာအောင် ဦးဆောင်ခဲ့တဲ့ Apple ဘာဖြစ်လို့ AI ပြိုင်ပွဲမှာတော့ နောက်ကျနေခဲ့တာလဲ။ Siri ကဘာလို့ဒီလောက်ထိ ကျန်နေခဲ့ရတာလဲ?

တစ်ကယ်တော့ တစ်ခုခုဆိုရင် Leading ကုမ္ပဏီတစ်ခုဖြစ်ဖို့အရေး Apple လည်းကြိုးစားနေခဲ့တယ်လို့ ပြောနိုင်ပါတယ်။ AI တွေအကြီးအကျယ်ခေတ်စားမလာခင် ၂၀၂၁ လောက်ထိ Apple အနေနဲ့ EV တွေထုတ်ဖို့အတွက် ပိုက်ဆံတွေအကြီးအကျယ် သုံးပြီး Research & Development လုပ်နေခဲ့တာပါ။ ဒီကြားထဲမှာ ကုမ္ပဏီက Apple Car နဲ့ပတ်သက်လို့ ဒေတာတွေ ခိုးခံလိုက်ရတဲ့ကိစ္စကိုလည်း ဖြေရှင်းနေခဲ့တာ သတင်းတွေထဲမှာ မကြာမကြာကြားနေရပါသေးတယ်။
Tim Cook ကသူတို့ရဲ့ AI ပြိုင်ပွဲမှာနောက်ကျနေရတဲ့ အကြောင်းအပေါ်ကို "ကျွန်တော်တို့အနေနဲ့ ဒီကိစ္စမှာတော့ ပထမဆုံးဖြစ်ဖို့ထက် အကောင်းဆုံးဖြစ်ဖို့ကို ပိုလိုလားပါတယ်" ဆိုတဲ့စကားမျိုးပြောခဲ့ပါသေးတယ်။

Siri ရဲ့နောက်ပိုင်းမှာ Google Assistant နဲ့ပြိုင်လိုက်ရင် စွမ်းရည်နိမ့်ကျနေတာတွေ၊ Search Engine သာသာလောက်ပဲ အလုပ်လုပ်နိုင်တာတွေ၊ iPhone ကိုတောင် Function အပြည့်အဝ ခိုင်းလို့မရပဲ ၈၀ရာခိုင်နှုန်းလောက်ပဲ ထိန်းနိုင်တာတွေကြောင့် Siri ကို Alarm ပေးဖို့ Lumos လို့ခေါ်ပြီး Flash ထွန်းဖို့လောက်ပဲ သုံးကြတာများမယ်လို့ထင်ပါတယ်။

ဒီလိုဖြစ်လာပြီးတဲ့နောက် ၂၀၂၂ နောက်ပိုင်း AI တွေအကြီးအကျယ် ခေတ်စားလာပြီး ကိုတင်ကွပ်တို့ ဒီပြိုင်ပွဲထဲမဝင်ရင် နောက်ကျတော့မယ်ဆိုတာ သိသွားတဲ့နောက်မှာတော့ ဒေါ်လာ ဘီလီယံနဲ့ချီပြီးသုံးခဲ့တဲ့ Apple Car Project ကြီး ဖျက်သိမ်းခဲ့ပြီး Apple ဖုန်းတွေကိုလည်း ChatGPT နဲ့ ပူးတွဲထုတ်ခဲ့ရတဲ့ အနေအထားဖြစ်သွားခဲ့ပါတယ်။

EV ကားမှာထင်သလိုဖြစ်မလာတာတွေ၊ iPhone မှာရှိပြီးသား Siri ကို တစ်ခြားကုမ္ပဏီကြီးတွေနဲ့အပြိုင် တိုးတက်လာအောင် မလုပ်နိုင်တာတွေကြောင့် AI ပြိုင်ပွဲမှာ တစ်ဖြည်းဖြည်းနောက်ကျလာရာကနေ နောက်ဆုံးမှာတော့ ဝုန်းခနဲ ChatGPT ပေါ်လာတဲ့အခါမှာတော့ Apple အနေနဲ့ တစ်ခြားအကူအညီတွေ ယူရတဲ့အခြေအနေကို ရောက်သွားပါတော့တယ်။