ရန်ကုန်မြို့၊ ပုဇွန်တောင်မြို့နယ်၊ ဗိုလ် တထောင်ဘုရားရှိ Orchid ဟိုတယ်ကို နိုင်ငံရေးပါ တီများ၏ အခမ်းအနားများအတွက် အခမဲ့အသုံးပြုခွင့် ပေးသွားမည်ဖြစ်ကြောင်း ၎င်းဟိုတယ်ပိုင်ရှင် ဦးဌေးအောင်ကမတ်လ(၁၄) ရက်တွင် ပြောသည်။
အထက်ပါ ဟိုတယ်နေရာကို အသုံးပြုခွင့် နှင့်ပတ်သက်၍ ဦးဌေးအောင်က နိုင်ငံတော်အကြီး အကဲရဲ့ ပါတီစုံရွေးကောက်ပွဲအောင်မြင်ရေးမှာ နိုင်ငံ သားတိုင်းပါဝင်ဖို့၊ တစ်မျိုးသားလုံးရဲ့ပါဝင်မှုကို ဖိတ် ခေါ်ခဲ့တဲ့အတွက် ကျွန်တော်တို့က ဦးဦးဖျားဖျားကိုပဲ ရှေ့ကို တာထွက်ခဲ့တာ ဖြစ်ပါတယ်။ ပါတီတွေဆိုတာ က မြောက်များစွာသော အခက်အခဲတွေနဲ့ဖြတ်သန်း နေကြရပါတယ်။ အဲဒီတော့ ကျွန်တော်တို့ လုပ်ဆောင် ပေးနိုင်တာက သေးသေးလေးဖြစ်ပေမယ့် သူတို့ရဲ့ စိတ်ဓာတ်ခွန်အားတစ်ခုဖြစ်စေမယ်။ ပါတီတိုင်းဟာ သူ့တို့ရဲ့ရုံးခန်းရှိပြီးသားပါ။ သို့သော် ပါတီတစ်ခုထက် ပိုတဲ့တွေ့ဆုံမှုတွေကျရင် သူတို့ရုံးခန်းမှာ သုံးလို့အ ဆင်မပြေတော့ပါဘူး။ အားလုံးတစ်နေရာကို ရွေးရတဲ့အခါမှာ အဲဒီဟာမျိုးကို ဖြည့်ဆည်းပေးဖို့ ကျွန် တော်ရည်ရွယ်တာပါ။ ကြိုတင်ပြီးတော့ လာရောက်ငှားရမ်းတာတွေ ရှိပါတယ်။ အဲဒါကြောင့် လည်း ဒီအကြံပေါ်ခဲ့တာပါ။ ကျွန်တော်တို့ဒါလေးက ကိုယ်လည်း ဘာမှအိတ်ကစိုက်ရတာမဟုတ်ဘူး။ ပိတ်ထားတဲ့နေရာတစ်ခုကိုတော့ အသုံးတည့်ရင် တော့ဖြင့် ခရီးတော်တော်ပေါက်မှာပဲဆိုပြီးတော့ ဆောင်ရွက်ခဲ့တာဖြစ်ပါတယ်ဟု ပြောသည်။
ဆက်လက်၍ နိုင်ငံရေးပါတီများအနေဖြင့် Orchid ဟိုတယ်နေရာကို သုံးစွဲနိုင်မှုနှင့်ပတ်သက်၍ ဒီမှာ သင်တန်းတွေပေးလို့ရတယ်။ ညအိပ်ဖို့ပဲ အခက်အခဲရှိပါတယ်။ ကျွန်တော်တို့မှာ အိပ်ခန်းတွေရှိ ပေမယ့် အားလုံးဟာ ပိတ်သိမ်းထားတာကြာတဲ့အတွက် အဆင်မပြေပါဘူး။ Day use ပေါ့နော်။ မနက် ကနေ ညမိုးချုပ်သည်အထိကို အစီအစဉ်မျိုးစုံပေါ့ နော်။ ပြည်သူနဲ့ထိတွေ့တာမျိုး၊ ပါတီတွင်းအစည်း ဝေးပွဲတွေ၊ နောက်တစ်ခါ သင်တန်းတွေရှိ လာနိုင်ပါ တယ်။ ဒီဟာတွေကို ကျွန်တော်တို့က နေရာထိုင်ခင်း တင်မကပါဘူး တတ်နိုင်တဲ့ပံ့ပိုးမှုတွေပေါ့။ အဓိက ကတော့ဖြင့် ကျွန်တော်တို့ နေရာထိုင်ခင်းစီစဉ်ပေး တာလောက်ကိုပဲ အသိပေးချင်ပါတယ်။ ကျန်တာက ဝန်ထုတ်ဝန်ပိုး ဖြစ်လာမှာစိုးလို့ပါဟု ဦးဌေးအောင် က ပြောသည်။
ယခင်ရွေးကောက်ပွဲအကြိုကာလများတွင်ကလည်း ဦးဌေးအောင်၏ ဥမခ့ငိ ဟိုတယ်တွင် နိုင်ငံရေးပါတီ များ၏ အလံများထောင်ခြင်း၊ ဆိုင်းဘုတ်များချိတ် ခြင်းမျိုးရှိခဲ့ပြီး ယခုအခါတွင်လည်း ပါတီများ၏ ဗွီနိုင်းများထောင်ခြင်း၊ ကြော်ငြာဆိုင်းဘုတ်ထောင် ခြင်း နှင့် ပါတီအလံထောင်ခြင်းများကိုလည်း ဆက် လက်ခွင့်ပြုသွားမည်ဖြစ်ကြောင်း ဦးဌေးအောင်က ပြောသည်။
ကျွန်တော်တို့က ရပ်ကွက်လေးတစ်ခုရဲ့ ပရဝုဏ်ဖြစ်ပါတယ်။ သို့သော် တစ်နိုင်ငံလုံးကို လွှမ်း ခြုံနိုင်တဲ့ အခင်းအကျင်းမျိုး လုပ်သွားလို့ရပါတယ်။ လက်တွေ့ပါ။ (၂၀၂၀)ရွေးကောက်ပွဲတုန်းက ဒီနေ ရာမှာ တော်တော်များများလာပြီးတော့ သူတို့ရဲ့ပွဲတွေ လုပ်ခဲ့ကြပါတယ်။ ပါတီတွေလာရောက်ပြီးတော့ ကိုယ့်ရဲ့ဗွီနိုင်းတွေ၊ အောင်နိုင်ရေးကိစ္စတွေကို ဆောင် ရွက်ရင်းနဲ့ အဲဒီလိုကြော်ငြာဆိုင်းဘုတ်ကပ်တာတွေ လည်း ကျွန်တော်တို့ခွင့်ပြုမှာပါ။ ပါတီအလံတွေရှိခဲ့ ရင်လည်းကြိုဆိုပြီးတော့ ဆောင်ရွက်ပေးမှာပါ။ ဒါမှ ပြည်သူတွေက ရွေးကောက်ပွဲခံစားမှုကို ခံစားရမှာပါ။ အဲဒီလိုမှမဟုတ်ရင် ဒီကနေ့ မဲပေးရင်ပဲ အသက်အန္တ ရာယ်ဖြစ်မှာလားလို့ တချို့ကတွေးနေကြပါပြီ။ ရွေးကောက်ပွဲကို ဖြစ်မှာလားဆိုတဲ့အတွေးကိုလည်း ချေဖျက်ချင်တာလည်းပါ ပါတယ်။ အဲဒီထက်ကျယ် ပြန့်ပါတယ်။ တသီးပုဂ္ဂလပြိုင်တဲ့သူရှိမယ်။ ပါတီက လေးတွေရှိမယ်။ ကျွန်တော်တို့ရဲ့ဖိတ်ကြားမှုက အား လုံးခြုံငုံပြီးသားပါခင်ဗျ။ တစ်ခြားဘာမှ မပံ့ပိုးနိုင်ဘူး။ ကိုယ့်အိမ်နေရာလေး ပံ့ပိုးတယ်ဆိုတာလည်းပဲ တော် တော်ခရီးတာသွားပါမယ်လို့ထင်ပါတယ်။ စာပေစာ နယ်ဇင်း၊ ဂီတအနုပညာအားလုံးပေါ့။ အများအကျိုး လုပ်နေတဲ့ မည်သူ့ကိုမဆို ကျွန်တော်တို့က ဖိတ်မံ တကပြုတာပါ။ နိုင်ငံရေးပါတီမှကွက်ပြီး လုပ်တာမျိုး မဟုတ်ပါဘူး။ အချိန်ကာလက ရွေးကောက်ပွဲအထိပါ။ ဒီနေရာကို တတ်နိုင်သလောက်ပြုပြင်ပြီးတော့ ပြည့် စုံအောင် လုပ်ပေးသွားဖို့ ကျွန် တော်ရည်ရွယ်ထားပါ တယ်ခင်ဗျဟု ဦးဌေးအောင်က ၎င်း၏ ဟိုတယ်ကို အသုံးပြုနိုင်မှုနှင့်ပတ်သက်၍ ဆက်လက်ပြောသည်။အထက်ပါ Orchid ဟိုတယ်ကို အသုံးပြု လိုသည့် နိုင်ငံရေးပါတီများအနေဖြင့် မိမိအသုံးပြုလို သောရက်နှင့်ပတ်သက်ပြီး အချိန်တစ်ပတ်ခန့် ကြို တင်အကြောင်းကြားစေလိုကြောင်း ဦးဌေးအောင်က ပြောသည်။