Note Taking အတွက် အကောင်းဆုံး App ၅ ခု
--------------------------------------
ဒီနေ့ခေတ်မှာ Note Taking လုပ်ဟာ ကျွန်တော်တို့ နေ့စဉ်ဘဝရဲ့ အရေးကြီးတဲ့ အစိတ်အပိုင်းတစ်ခု ဖြစ်လာပါတယ်။ ကျောင်းသူ/သားပဲဖြစ်ဖြစ်၊ ဝန်ထမ်းပဲဖြစ်ဖြစ်၊ ဘယ်နေရာမှာမဆို နေ့စဥ်နဲ့အမျှ မှတ်စရာတွေများလာတဲ့အခါ Note မှတ်လေ့ရှိပါတယ်။ အရင်တုန်းကတော့ စာအုပ်ကြီးတွေနဲ့ Note ရေးလေ့ရှိပေမယ့် ဒစ်ဂျစ်တယ်ခေတ်မှာတော့ Note ရေးတာကို Digital Device တွေနဲ့ပဲပြောင်းလဲအသုံးပြုလာပါပြီ။ စာမှတ်တာ၊ အိုင်ဒီယာတွေ မှတ်သားတာ၊ Meeting Notes တွေ ရေးမှတ်တာတွေအတွက် Note Taking App တွေက အရမ်းအသုံးဝင်ပါတယ်။ ဒီနေရာမှာ အကောင်းဆုံး Note Taking App ၅ ခုကို မိတ်ဆက်ပေးချင်ပါတယ်။
၁။ Evernote
Evernote ဟာ Note Taking App တွေထဲမှာ အမြဲရှေ့ဆုံးကပါလာတတ်တဲ့ App တစ်ခုပါ။ သူ့ရဲ့ အားသာချက်တွေကတော့ - စာသားတွေကို ရိုက်ထည့်ရုံသာမက ဓာတ်ပုံတွေ၊ PDF ဖိုင်တွေ၊ Web Clipping တွေကိုပါ သိမ်းဆည်းနိုင်ပါတယ်။ Note တွေကို Folder တွေခွဲပြီး စနစ်တကျ စီမံခန့်ခွဲနိုင်သလို Tag တွေလည်း ထည့်သွင်းပြီး အလွယ်တကူပြန်ရှာလို့လည်းရပါတယ်။ Cross-Platform ဖြစ်တဲ့အတွက် ဖုန်း၊ Tablet၊ ကွန်ပျူတာ စတဲ့ Device တွေအားလုံးကနေ အသုံးပြုနိုင်ပါတယ်။
၂။ Microsoft OneNote
Microsoft ရဲ့ Note Taking ပရိုဂရမ်ဖြစ်တဲ့ OneNote ဟာ အထူးသဖြင့် ကျောင်းသားတွေနဲ့ ပညာရေးနယ်ပယ်မှာ အသုံးများပါတယ်။ Microsoft Email တစ်ခုရှိရုံနဲ့ အခမဲ့သုံးနိုင်တဲ့အတွက်လည်း ဖြစ်ပါလိမ့်မယ်။
Digital Notebook ပုံစံမျိုးနဲ့ Note တွေကို စနစ်တကျ စီစဉ်ထားနိုင်ပါတယ်။ Microsoft Office နဲ့ ချိတ်ဆက်အသုံးပြုနိုင်တဲ့အတွက် Word, Excel တို့နဲ့ အလွယ်တကူ ပေါင်းစပ်အသုံးပြုနိုင်ပါတယ်။ Stylus နဲ့ လက်ရေးဖြင့် မှတ်သားခြင်း၊ ပုံဆွဲခြင်းတွေလည်း Support ပေးတဲ့ Platform တစ်ခုပါ။
၃။ Notion
နောက်ပိုင်းအတော်လေး နာမည်ကြီးလာတဲ့ Notion ဟာ Note Taking သာမက Project Management, Knowledge Base တွေအတွက်ပါ အသုံးပြုနိုင်တဲ့ All-in-one workspace တစ်ခုပါ။သူရဲ့ Database ပုံစံနဲ့ Note တွေကို စီမံနိုင်တာ၊ အခမဲ့ရတဲ့ Template တွေနဲ့ Customization လုပ်နိုင်တဲ့ Features တွေကြောင့်လည်း လူသုံးများလာပါတယ်။ Team Collaboration အတွက် အထူးကောင်းမွန်ပြီး၊ Real-time ပူးပေါင်းဆောင်ရွက်နိုင်ပါတယ်။ အချက်အလက်တွေကို Table, Board, Timeline စတဲ့ ပုံစံအမျိုးမျိုးနဲ့ ပြသနိုင်ပါတယ်။
၄။ Google Keep
Google Keep ဟာ ရိုးရှင်းပြီး အသုံးပြုရ လွယ်ကူတဲ့ Note Taking App တစ်ခုပါ။ Gmail တစ်ခုရှိရုံနဲ့သုံးနိုင်သလို အမြန်မှတ်သားဖို့အတွက် အသင့်တော်ဆုံးဖြစ်ပြီး၊ Sticky Note ပုံစံမျိုးနဲ့ အလွယ်တကူ မှတ်သားနိုင်တဲ့အတွက် Desktop Version မှာသုံးရတာကို ပိုပြီးကြိုက်မိပါတယ်။ Mobile မှာတော့ Voice Note အသုံးပြုနိုင်ခြင်း၊ Reminder ထည့်သွင်းနိုင်ခြင်းတို့က အားသာချက်တွေ ဖြစ်ပါတယ်။ Google ရဲ့ အခြား Service တွေနဲ့ ချိတ်ဆက်အသုံးပြုနိုင်ပါတယ်။
၅။ Apple Notes
Apple Ecosystem သုံးစွဲသူတွေအတွက် Apple Notes ကအကောင်းဆုံး ရွေးချယ်စရာတစ်ခု ဖြစ်ပါတယ်။
iCloud နဲ့ Sync လုပ်နိုင်တဲ့အတွက် Apple Device အားလုံးကနေ လွယ်ကူစွာ အသုံးပြုနိုင်ပါတယ်။ ဒါ့အပြင် Stylus Pen ထဲမှာအကောင်းဆုံးဖြစ်တဲ့ Apple Pencil နဲ့လက်နဲ့ Note ရေးလို့ရတာ၊ Document Scanner ပါဝင်ခြင်းတို့က ထူးခြားချက်တွေ ဖြစ်ပါတယ်။ Password protection နဲ့ လုံခြုံရေးကိုလည်း ကောင်းစွာ ထောက်ပံ့ထားပါတယ်။ iOS 18 နောက်ပိုင်း Update တွေကြောင့် Apple Note ထဲမှာ AI ပါဝင်လာလို့ အရင်ကထက်ပိုပြီးသုံးလို့ကောင်းလာပါတယ်။
Note Taking App တစ်ခုချင်းစီမှာ သူ့အားသာချက် သူ့အားနည်းချက်နဲ့ ဖြစ်ပါတယ်။ ကိုယ့်ရဲ့ လိုအပ်ချက်၊ အသုံးပြုမယ့် ပုံစံပေါ်မူတည်ပြီး သင့်တော်တဲ့ App ကို ရွေးချယ်သင့်ပါတယ်။ ရိုးရှင်းတဲ့ Note လေးတွေပဲ လိုတယ်ဆိုရင် Google Keep လိုမျိုး App တွေက သင့်တော်ပြီး၊ ပိုပြီး Complex ဖြစ်တဲ့ Note Management တွေလိုအပ်ရင်တော့ Notion လို App မျိုးက ပိုပြီး သင့်တော်မှာ ဖြစ်ပါတယ်။ ကျန်တဲ့ Note တွေကတော့ ကိုယ်သုံးမယ့် Phoneနဲ့ Budget ပေါ်မူတည်ပြီး အခမဲ့ Version သုံးလို့ရသလို၊ ဝယ်သုံးမယ်ဆိုလည်း ရပါတယ်။