ထရမ့်အကောင့် ပိတ်ခဲ့မိလို့ ဒေါ်လာ ၂၅ သန်း ပေးရမယ့် Meta
ဒေါ်နယ်ထရမ့် သမ္မတဖြစ်လာကတည်းက Meta လည်း ပိုက်ဆံအတော်သုံးနေရပါတယ်။
သမ္မတကျမ်းကျိန်ပွဲအတွက် ဒေါ်လာ ၁ သန်းလှူခဲ့တဲ့အပြင် အခုလည်း ထရမ့်နဲ့ ဖြစ်ခဲ့တဲ့ အမှုတစ်ခု ပိတ်ဖို့ ဒေါ်လာ ၂၅ သန်း ကုန်ဦးမှာပါ။ အမှုက ၂၀၂၀ ရွေးကောက်ပွဲမှာ ထရမ့်ရှုံးပြီး Capitol ကို သူ့လူတွေ ဝင်စီးခဲ့တဲ့နောက် Meta ဘက်က ထရမ့်သုံးနေတဲ့ Social Media အကောင့်တွေ ပိတ်ခဲ့တဲ့ အမှုပါ။
အကောင့်ပိတ်ခံရလို့ မကျေနပ်တဲ့ ထရမ့်က ၂၀၂၁ ခုနှစ်မှာ Meta ကို တရားစွဲပါတယ်။ ထရမ့် သမ္မတပြန်ဖြစ်ပြီး ရက်ပိုင်းအတွင်းမှာပဲ Meta ဘက်က အမှု ကျေအေးဖို့ ဒေါ်လာ ၂၅ သန်း ပေးဖို့ သဘောတူလိုက်တာပါ။ ထရမ့်က အခု X ဖြစ်လာတဲ့ Twitter နဲ့ YouTube တို့ကိုလည်း အကောင့်ဆိုင်းငံ့ခံရတဲ့ကိစ္စနဲ့ တရားစွဲခဲ့ပေမယ့် တရားသူကြီးက ၂၀၂၃ မှာ အမှုပိတ်ခဲ့တာပါ။
Meta ပေးမယ့် လျော်ကြေး ၂၅ သန်းထဲက ၂၂ သန်းက ထရမ့်ရဲ့ သမ္မတစာကြည့်တိုက် ရံပုံငွေထဲ ရောက်မှာ ဖြစ်ပြီး ကျန်တဲ့ ၃ သန်းက သက်သေနဲ့အမှုစရိတ် ပေးရမယ်လို့ ဆိုပါတယ်။ Meta ကုမ္ပဏီဟာ ၂၀၂၄ ရွေးကောက်ပွဲအပြီးမှာ ထရမ့်နဲ့ ဆက်ဆံရေးအဆင်ပြေအောင် ကြိုးစားနေတာ တွေ့ရပါတယ်။
ထရမ့် သမ္မတဖြစ်လာပြီးနောက်မှာ အချက်အလက်ဆန်းစစ်တဲ့ အစီအစဉ်ဖျက်သိမ်းခဲ့တာ ၊ အငြင်းပွားဖွယ်ခေါင်းစဉ်နဲ့ ပြောဆို ဆွေးနွေးမှုတွေကို ဖြေလျှော့ခွင့်ပြုတာတွေ လုပ်ခဲ့ပါတယ်။