သီရီလင်္ကာမှာ မျောက်တကောင်ကြောင့် တနိုင်ငံလုံး မီးပျက်နေ

ကိုလံဘို၊ ဖေဖော်ဝါရီ ၁၀

သီရိလင်္ကာနိုင်ငံတဝန်းမှာ လျှပ်စစ်ဓါတ်အား ပြတ်တောက်မှုတွေ ဖြစ်ပွားခဲ့ပြီး မီးစက်တွေအရေးပေါ်အသုံးပြုနေရတဲ့ ဆေးရုံတွေအပါအဝင် နေရာအချို့မှာတော့ တဖြည်းဖြည်း ပြန်လည်ရရှိနေပြီလို့ တာဝန်ရှိသူတွေက ပြောပါတယ်။

အခုလို လျှပ်စစ်ဓါတ်အား ပြတ်တောက်မှုပြန်လည်ကောင်းမွန်ဖို့ နာရီအနည်းငယ်ကြာမြင့်နိုင်တယ်လို့ တာဝန်ရှိသူတွေက ပြောဆိုထားပြီး ဆေးဘက်ဆိုင်ရာ အဆောက်အအုံနဲ့ ရေသန့်စင်စက်ရုံတွေကို ဦးစားပေးနေတယ်လို့ ဆိုပါတယ်။

စွမ်းအင်ဝန်ကြီး ကူမူရာဂျာရာကိုဒီကတော့ မျောက်တကောင်ကြောင့် အခုလိုလျှပ်စစ်ဓါတ်အား ပြတ်တောက်မှုဖြစ်တာလို့ ပြောပါတယ်။ အဲဒီမျောက်နဲ့ ပါဝါထရန်စဖော်မာထိတွေ့ရှော့ခ်ဖြစ်ခဲ့ပြီး ဓါတ်အားစနစ် ချို့ယွင်းခဲ့တာလို့ သူကပြောပါတယ်။

ကိုလံဘိုမြို့တောင်ဘက် ဓါတ်အားခွဲရုံတခုမှာ အရေးပေါ်အခြေအနေကြောင့် လျှပ်စစ်ဓါတ်အား ပြတ်တောက်ခဲ့တာလို့ လျှပ်စစ်ဖြန့်ဖြူးမှုကို တာဝန်ယူနေတဲ့ စီအီးဘီကုမ္ပဏီက ပြောပါတယ်။ ကျွန်းနိုင်ငံတဝန်းမှာ ဓါတ်အားပြတ်တောက်မှုကို အမြင်္နဆုံး ပြန်လည်ရရှိဖို့ ကြိုးစားနေတယ်လို့ ထုတ်ပြန်ပါတယ်။

လူဦးရေ ၂၂ သန်းရှိတဲ့ သီရိလင်္ကာမှာ အခုလို မီးပျက်မှုတွေကြောင့် ဆေးရုံနဲ့ စီးပွားရေးလုပ်ငန်းတွေအပါအဝင် လုပ့်ငန်းတွေမှာ မီးစက် သို့မဟုတ် အင်ဗာတာတွေကို အသုံးပြုနေကြရပါတယ်။ စီးပွားရေးအကျပ်အတည်းနဲ့ ရင်ဆိုင်နေရတဲ့ သီရိလင်္ကာနိုင်ငံမှာ ၂၀၂၂ ခုနှစ်အတွင်းကလည်း လျှပ်စစ်ဓါတ်အား ပြတ်တောက်မှုတွေ ကျယ်ကျယ်ပြန့်ပြန့် ဖြစ်ပွားခဲ့ပါတယ်။

Ref:BBC
Photo:Getty Images

#သတင်းဟင်းလေးအိုးကြီး