ရီးရဲမက်ဒရစ်ကနေ မာဆယ်လို့ ထွက်တော့
ဖြစ်ချင်တဲ့ဆန္ဒတစ်ခု ရှိခဲ့ဖူးတယ်။
အဲတာက ရော်နယ်ဒိုနှင့် နောက်ထပ်တစ်ကြိမ်
တစ်သင်းထဲကစားနေတာကို မြင်ချင်ခဲ့တာပဲ။
ဒီဆန္ဒဟာ အခုတော့ မပြည့်နိုင်တော့ဘူး။
မာဆယ်လို ဘောလုံးလောကကနေ
အပြီးတိုင် အနားယူသွားပြီ။
၂၀၁၈ ချန်ပီယံလိဂ်ဖိုင်နယ်ဟာ သူတို့ ၂ ဦး
အတူတူတွဲကစားခဲ့တဲ့ နောက်ဆုံးပွဲဖြစ်ခဲ့ပြီ။
ရော်နယ်ဒို ပင်နယ်တီ ကန်တော့မယ်ဆိုရင်
အောင်ပွဲကြိုခံလေ့ရှိတဲ့ မာဆယ်လို။
ဂိုးသွင်းပြီးတိုင်း နှစ်ယောက်သား အတူတူ
အောင်ပွဲခံနေကြ Siuuu Celebration.
ဘာနေဗျူးဘယ်ဘက်ခြမ်းတစ်လျှောက်
ဘရာဇီးသားပီပီ ကခုန်ဖျော်ဖြေပေးခဲ့တဲ့
အနုပညာဆန်လှတဲ့ ဆမ်ဘာတေးသွား။
ဘိုင်ယန်မြူးနစ်ကို ဖြိုခဲ့တုန်းက ပြသခဲ့တဲ့
အပြစ်အနာမရှိသော စွမ်းဆောင်ရည်။
ဂါရတ်ဘေးရဲ့ ဘိုင်စကယ်ကစ်အတွက်
ဂန္တဝင်မြောက် ဖြတ်တင်ဘောတစ်လုံး။
ဒါတွေဟာ တစ်သက်တာမမေ့နိုင်စရာ
အမှတ်တရအဖြစ် ရှိနေပါတော့မယ်။
ဒီလိုအမှတ်တရတွေ ဖန်တီးပေးခဲ့လို့လဲ
ကျေးဇူးအများကြီးတင်ပါတယ်။
