ကျားဖြန့်ကို အရှိန်မြှင့်တိုက်ဖျက်လာနေပြီး ရွှေကုက္ကိုလ်ကိုပါ မီးဖြတ်လိုက်ချိန် BGF က လူကုန်ကူးခံရသူ ၂၀၀၀ ကျော်ကို ပြန်ပို့ပေးထားကြောင်းနှင့် တရားမဝင် ရာဇဝတ်မှုများကို အစိုးရ၊ နိုင်ငံတကာတို့နှင့် ပူးပေါင်းလက်တွဲ တိုက်ဖျက်သွားမည်ဟု ကြေညာလာ
ဖေဖော်ဝါရီ ၆
မြန်မာအစိုးရအပြင် မဲခေါင်ဒေသတွင်းနိုင်ငံများဖြစ်သော တရုတ်၊ ထိုင်းနိုင်ငံတို့က မြန်မာနယ်စပ်၊ ကရင်ပြည်နယ်၊ မြဝတီမြို့ရှိ အွန်လိုင်းလိမ်လည်မှုကျားဖြန့်လုပ်ငန်းများကို အရှိန်မြှင့်တိုက်ဖျက်လာနေပြီး ရာဇဝတ်မှုများဖြင့်နာမည်ပျက်နေသော ရွှေကုက္ကိုလ်အပါအဝင် မြန်မာဘက်ခြမ်းငါးနေရာသို့ ထိုင်းနိုင်ငံကပေးနေသော လျှပ်စစ်မီးကို ဖေဖော်ဝါရီ ၅ ရက်တွင် ဖြတ်တောက်လိုက်ချိန်မှ BGF (နယ်ခြားစောင့်တပ် (ကရင်ပြည်နယ်)) က လူကုန်ကူးခံရသူ ၂၀၀၀ ကျော်ကို ပြန်ပို့ပေးထားကြောင်းနှင့် တရားမဝင် ရာဇဝတ်မှုများကို အစိုးရ၊ နိုင်ငံတကာတို့နှင့် ပူးပေါင်းလက်တွဲ တိုက်ဖျက်သွားမည်ဟု ယနေ့ရက်စွဲဖြင့် ထုတ်ပြန်ကြေညာလာခဲ့သည်။
#centralnewsnaypyitaw
